掃呢頁CODE去手機

2015年10月26日 星期一

33C香香Big朱慧敏出股惑 香香,朱慧敏,岑麗香,



有愛情滋潤的岑麗香(香香),昨日與朱慧敏出席活動時上演一幕「明爭暗鬥」!穿上低胸Tube Dress的香香,狂晒事業線,大騷33C「Big」爆身材!而朱慧敏則先大騷44吋白滑長腿,後來個360度自轉出「股」惑,出孖招迎擊,力挽狂瀾!

岑麗香谷出事業線,大晒33C「Big」爆身材!

穿上低胸Tube Dress的岑麗香,化身迷人「Pink Lady」吸睛。

朱慧敏騷白滑長腿,自轉時出「股」惑大玩若隱若現性感美。

方力申

現年30歲、無綫花旦岑麗香,早前公開戀情表示與一名從外國回流香港的六呎猛男拍拖大半年,愛情至上的她更不避嫌與男友公然拍拖,令一眾宅男心碎!正值事業拚搏的香香,在愛情事業忙得不可開交,前晚她才於新加坡出席《星和無綫電視大獎2015》,昨日已極速返港與朱慧敏及方力申等出席馬場盃賽活動,晒「事業線」出「波」術,力鬥出「股」惑的朱慧敏!

為《無雙譜》解畫

露出3吋事業線大騷33C「Big」爆身材的香香,穿上粉紅Tube Dress兼頭戴粉紅頭箍,化身吸睛版「Pink Lady」,談及近日無綫台慶劇《無雙譜》的角色,香香坦言已是兩年前拍攝,提到有網友表示劇中電腦特技太假時,她說:「鯉魚精有童話感覺,都幾配合。(兒戲?)我最近都有睇,我Focus係自己講啲咩,鯉魚精講嘢唔叻,洪牡丹係千金小姐有學識,講啲嘢好深,都唔明佢講啲咩,要睇英文字幕先明,所以記對白記得幾辛苦。我珍惜呢個角色,係拍戲以嚟最大嘅挑戰,人生要有挑戰先會進步。」她又表示男友亦有收看劇集:「佢都要睇英文字幕,佢識中文嘅嘅,平時我哋就用中文同英文溝通。」她透露在前晚頒獎禮與陳凱琳表演唱歌時十分緊張,希望可以再嘗試。

對於香香晒「線」出「波」術攻勢,現年34歲的朱慧敏明顯「留力」!回復單身的她大玩留前鬥後,雖然「事業線」欠奉,但身穿前短後長設計黑色晚裝的她,率先騷44吋白滑長腿兼大玩透視。心情大靚的她在訪問時更轉圈讓記者拍照,期間突然出「股」惑露股邊,大玩若隱若現性感美,她自爆轉圈動作是事前在家中苦練的成果:「頭先轉圈我喺屋企練咗好耐,我着高踭鞋唔叻,頭先要人扶,唔知以為我有咗。」

全日食2蚊果皮粥

她又自爆平時着「白飯魚」行路:「29蚊對,幾Fashionable呀!第一對『白飯魚』係拍《愛.回家》時着嘅道具,拍完一幕濕水戲佢哋話唔要對鞋,我咪拎返屋企洗乾淨再着。」現正努力儲錢買樓的她會應慳則慳:「我會食齋,平啲,食果皮粥,2蚊食成日。(啲衫爛咗補番?)會,環保啲嘛!」

同場的方力申則自爆女友鄧麗欣嫌棄他太肥:「佢成日叫我減肥。(有冇減?)減肥呢兩個字係最潮嘅潮語,係終身事業。(唔減唔嫁你?)冇提過,呢個話題好敏感。」

採:名人組 

文:專案組

岑麗香谷出事業線,大晒33C「Big」爆身材!

穿上低胸Tube Dress的岑麗香,化身迷人「Pink Lady」吸睛。

朱慧敏騷白滑長腿,自轉時出「股」惑大玩若隱若現性感美。

方力申

鍾意就快D Share啦!