2016年2月6日 星期六

霆鋒挑戰極限 猴年非洲追獅 __,霆鋒,謝霆鋒,

霆鋒雖然心急開騷,但要求極高的他希望個唱能令觀眾嘆為觀止,祝他可以「心想事成」!
霆鋒挑戰極限猴年非洲追獅新年將至,生肖屬猴的謝霆鋒接受《好報》專訪時,報喜指2017年將在香港開騷,誓要精彩到令鋒迷嘆為觀止,更要「爆粗」來表達亢奮心情!另外,踏入猴年,霆鋒工作檔期已多得針都插不入,包括內地節目、電影、廣告、商演等。其中霆鋒為挑戰自己,更會為節目遠赴非洲追逐獅子等猛獸。估計霆鋒猴年會有過億港幣收入!霆鋒雖然心急開騷,但要求極高的他希望個唱能令觀眾嘆為觀止,祝他可以「心想事成」!快 ...


霆鋒挑戰極限 猴年非洲追獅

新年將至,生肖屬猴的謝霆鋒接受《好報》專訪時,報喜指2017年將在香港開騷,誓要精彩到令鋒迷嘆為觀止,更要「爆粗」來表達亢奮心情!另外,踏入猴年,霆鋒工作檔期已多得針都插不入,包括內地節目、電影、廣告、商演等。其中霆鋒為挑戰自己,更會為節目遠赴非洲追逐獅子等猛獸。估計霆鋒猴年會有過億港幣收入!

快踏入猴年即有喜訊,昨日出爐的《好報》大爆今年36歲的「猴仔」謝霆鋒心思思繼2000年後,於明年再在香港舉行演唱會!霆鋒接受獨家訪問時不諱言心急開騷:「如果再冇(得開),我都唔知再揈唔揈得到囉。」他亦表示真想開演唱會,惟其要求太多,又受場地限制,加上工作檔期太密才遲遲未成事:「再等陣先啦,我唔係唔想做呀,但好多我想做嘅嘢,場地方面都唔畀做。」他最想開戶外場,大球瑒是考慮地點之一,但講到在大球場開騷要將音量收細,他表示:「正常聲量得唔得?我想開次好Rock、好嘈嘅演唱會,不過大球場隔籬有民居,怕嘈到人,不如叫Mani(經理人霍汶希)幫我搞搞佢。」他亦不禁洩口風指明年有機會開騷:「都係過埋今年再算啦,今年檔期都爆咗。」據知霆鋒對演唱會的視覺及聽覺享受要求極高,包括要有耀眼煙火、震撼爆破及完美音響等配套。

購買億元保險

此外,霆鋒在猴年的計劃多多,他透露今年農曆新年將在工作中度過,而他今年工作檔期亦滿瀉,包括拍攝浙江衞視節目,首次擔任導師培訓女團,與吳奇隆各組女團進行一連串訓練及參與淘汰賽,勝出女團會名為「蜜蜂少女隊」。同時他亦會開拍《十二道鋒味3》及3D美食電影,據知霆鋒拍《十二道鋒味3》將遠走非洲追逐獅子,因屬高危工作,英皇更為他投億元保險。

霆鋒接受《好報》專訪,透露有意在2017年回歸香港開騷。
  • 霆鋒接受《好報》專訪,透露有意在2017年回歸香港開騷。
屬猴的霆鋒在新一年的工作已排得密麻麻,有望賺過億!拍攝道具:<br>朗豪坊Monchhichi
  • 屬猴的霆鋒在新一年的工作已排得密麻麻,有望賺過億!拍攝道具:

    朗豪坊Monchhichi

廣告債未還完

記者昨日就霆鋒有意在明年舉行香港演唱會一事致電Mani,對此她表示:「霆鋒真係好想開,但檔期滿晒,畀啲時間佢。」講到霆鋒猴年工作,她透露霆鋒現時已要忙於拍攝浙江衞視節目,而之後亦會拍攝英皇投資兩億人民幣的3D美食電影,她亦表示霆鋒工作多得排山倒海:「今年佢最少會拍兩套戲,亦會衝出海外,去非洲同歐洲拍《十二道鋒味3》,手上亦有好多廣告債,最少今年要還七、八個,而且內地好多真人騷都想搵佢做,但佢啲期真係滿到針都插唔入。」據知加上電影、廣告、商演、內地節目等收入,保守估計會為霆鋒進帳九位數字金額,令他繼續榮登「吸金王」!

文:音樂組

攝:司徒國榮


鍾意就快D Share啦!
Related Posts Plugin for WordPress, Blogger...