踏入猴年，娛圈第一件婚事便是今年53歲鄭敬基，將迎娶拍拖半年、細他19年的圈外女友Angie，婚禮定於5月7日在北角國際神召會堂區舉行。雖然今次是鄭敬基第二次結婚，不過依然保留接新娘儀式，而新郎哥的一對仔女更會擔任兄弟團，至於圈中老友錢嘉樂亦會出席婚禮。
擔心年齡差距
鄭敬基昨在電話中和記者開心share該喜訊：「最初我對呢段關係有保留，始終我同女友嘅年齡有差距，我又離過婚，供緊一對仔女讀大學，我成日同佢講叫佢考慮清楚，佢唔單止包容同接受，仲反過嚟鼓勵我，呢個係上天畀我人生最大嘅gift。」他坦言對未婚妻感覺一見如故，信仰和價值觀都一致，更欣賞對方爽朗簡單的性格，他說：「我有同佢講話我年紀大，可能過兩年會坐輪椅，佢就叫我唔使擔心，無論點都會一齊去面對！」婚禮在即，早前鄭敬基和未婚妻被拍到孖實到銅鑼灣Sogo揀大床，對於婚後會否立即造人？鄭敬基笑言：「我就順其自然，反而女友問過我介唔介意佢唔生！」
採訪：王梓嫚
|
鍾意就快D Share啦！
|
|
|
