2016年2月3日 星期三

冇回頭 封胸轉行教瑜伽  E神 Carol:收入穩定過做模 [FACE - 454] __,E神,EASON,MF,

週日(31日)Carol喺銅鑼灣hmv開班教瑜伽,20位名額爆滿,Carol除咗喺台上教之外,仲落台親自指導,由於學生有外國人,Carol亦用英語教授,好pro㗎。(網上圖片)真面目冇回頭 封胸轉行教瑜伽 E神Carol:收入穩定過做模憑34E血管乳響朵嘅Carol楊焉(原名楊梓瑤),雖然消失咗近兩年,但相信巴打都仲好記得佢,唔做剝模,Carol做過紅酒公司文員,但原來最近變身為瑜伽教練。週日(3 ...


週日( 31日) Carol喺銅鑼灣 hmv開班教瑜伽, 20位名額爆滿, Carol除咗喺台上教之外,仲落台親自指導,由於學生有外國人, Carol亦用英語教授,好 pro㗎。(網上圖片)

真面目

冇回頭 封胸轉行教瑜伽  E神 Carol:收入穩定過做模

憑 34E血管乳響朵嘅 Carol楊焉(原名楊梓瑤),雖然消失咗近兩年,但相信巴打都仲好記得佢,唔做剝模, Carol做過紅酒公司文員,但原來最近變身為瑜伽教練。

週日( 31日) Carol仲喺銅鑼灣試教, 350蚊 1位,除咗有 Carol親自指導仲有早餐食,當然 20位名額一早爆滿。據知 Carol嚟緊會正式成為教練,宅男們係時候放低個鍵盤,買定啲運動衫喇,同 Carol瘋狂做瑜伽

27歲楊焉(原名楊梓瑤),因為 34E血管乳又出過寫真集《 HUGE》,有浸大 E神之稱嘅佢一度成為直逼周秀娜、 Angelababy嘅宅男女神,不過 Carol一直好抗拒賣胸,所以約滿 StarzPeople後就轉到阿叻陳百祥旗下,點知第一個工作《叻哥遊世界》又係要着比堅尼,搞到 Carol冇晒癮,之後和平解約收場。

網上圖片

10年 Carol出寫真集《 HUGE》,當時 Carol仲有個新朵「血管乳」,證明幾受宅男歡迎。

一字馬

Carol玩瑜伽玩到成個摺埋都得,上堂當日即席表演一字馬,對佢嚟講一啲難度都冇。

一月正式開班

解約後 Carol正式退出娛圈,有傳佢喺紅酒公司做文員兼讀品酒師牌,當時 Carol已開始接觸瑜伽,最近一年仲開始向瑜伽導師方向發展,更專登開個 ig帳戶鋪自己嘅玩瑜伽圖,由初時一字馬到最後成個摺埋, Carol功力大躍進,由初時周圍掛單教授嘅佢,現已開始喺瑜伽界有啲名氣, 1月開始喺中環 Venessa Dance Theatre有固定課堂教授。

Carol一月份開始喺中環 Venessa Dance Theatre開固定瑜伽班教授,大部份都係女性報名,證明 Carol唔係得男粉絲。(網上圖片)

Carol迷上瑜伽, instagram經常鋪玩瑜伽相,大家唔好望錯, Carol對手真係好大力。(網上圖片)

最後一露

離開 StarzPeople後, Carol簽咗俾阿叻,首個工作就係《叻哥遊世界》,可惜都係要騷胸,令 Carol感到意興欄珊。之後雙方和平分手。(電視畫面)

週日( 31日) Carol喺銅鑼灣仲同 hmv合作搞咗個早餐瑜伽班, 350蚊 1位, 20個名額極速爆滿,當中亦有不少女性,而 Carol對於自己成功轉型非常開心。她說:「今次籌備咗兩三個星期,上年 5月開始教瑜伽啦,因為接觸咗瑜伽改變咗自己好多生活,希望可以作為自己嘅職業!(收入好過做 model?)穩定啦,都幾好啦。(男友支持嗎?)冇男友喎!(會唔會返去娛樂圈?)冇呢個諗法。」重點係冇男友,係咪諗起都開心呢?

食住寫真威勢, Carol拍埋電影《婚前試愛》,戲中同一樣巨胸嘅羅仲謙有床戲,葉念琛做導演,呢啲場面必有。(網上圖片)

玩咗瑜伽, Carol E cup身材不變,但比之前 firm咗好多,連馬甲綫都有埋,有曲綫又有綫條。(網上圖片)

Carol咁索當然有唔少兵,除咗同過王宗堯拍拖外,兩年前都被拍得同圈外男友拍拖,不過 Carol話𠵱家單身喎。圖片

Carol雖然冇做娛樂圈兩年,但係狀態仲好過之前,淡妝見人都仲好 pure,做瑜伽真係有用㗎。

教瑜伽搵出路

其實圈中都有唔少人玩瑜伽同教瑜伽,除咗 Carol外,仲有同樣好身材嘅 Coffee林芊妤, now主持兼索模倪晨曦,仲有師奶最愛林德信,宅男宅女係咪即刻想報堂呢?

網上圖片

倪晨曦

Instagram經常有玩瑜伽相,身材修長,係唔少巴打同絲打嘅偶像,倪晨曦仲喺美國三藩市考到瑜伽導師牌,係唔同啲。

網上圖片

林芊妤

一直有私人教授瑜伽,每堂高收 2000蚊, Coffee簡直唔憂做。宅男儲多啲先揾 Coffee姐姐啦。

網上圖片

林德信

未入行前已係導師,每堂都爆滿,九成係師奶學員,入行後都有 part-time開班,亦係一開即爆。

採訪、攝影:娛樂突發組

撰文:娛樂組


鍾意就快D Share啦!
Related Posts Plugin for WordPress, Blogger...