2016年2月3日 星期三

胸大被欺凌 最索侍應妹:全校都唔鍾意我 [FACE - 454] __,MF,

嚟緊要應付DSE考試,在銅鑼灣泰菜館做兼職侍應的Larine,索爆外表原來勁好動,已打咗一年泰拳的她,目的唔係防狼而係減肥,現單身嘅佢,話揀男友唔使大隻好打,但最緊要唔好矮過佢(163cm)。爆Like王胸大被欺凌 最索侍應妹:全校都唔鍾意我一張偷影相令一個18歲侍應妹突然爆紅,無論科技幾進步,宅男口味都係咁原始。侍應妹LarineFcup身材加侍應制服令一眾巴打瘋狂,個個都話要落去佢間泰國菜館幫 ...


嚟緊要應付 DSE考試,在銅鑼灣泰菜館做兼職侍應的 Larine,索爆外表原來勁好動,已打咗一年泰拳的她,目的唔係防狼而係減肥,現單身嘅佢,話揀男友唔使大隻好打,但最緊要唔好矮過佢( 163cm)。

爆 Like王

胸大被欺凌 最索侍應妹:全校都唔鍾意我

一張偷影相令一個 18歲侍應妹突然爆紅,無論科技幾進步,宅男口味都係咁原始。侍應妹 Larine F cup身材加侍應制服令一眾巴打瘋狂,個個都話要落去佢間泰國菜館幫襯,一睹女神真面目。

Larine有樣有身材,巴打當佢女神,但絲打一直當佢仇人。 Larine話由幼稚園開始已被欺凌, 15歲仲要睇埋心理醫生,試過失眠、撼頭埋牆,仲諗住衝出馬路俾車撞死……克服過呢啲困境,女神面對偷影戀態佬,及網上一片惡毒留言都處之泰然!都係怪你過份美麗啫,靚女都有罪咩?

F:俾人偷影再擺上網有咩感覺?

就係呢張迫爆偷影相令 Larine一夜爆紅,不過 Larine冇嬲,只係話:「你偷影唔好俾我知。」

L:我覺得偷影我嗰個人戀態囉,(有印像係邊個嗎?)因為呢套衫係秋季嘅,所以都一段時間㗎喇,鋪頭都好多客,所以唔知係邊個?你偷影我,唔好俾我知,我唔知呢件事咪冇事囉,但𠵱家佢擺上網,我都幾擔心助長呢啲人去偷影其他女仔,呢個始終係一個唔好嘅風氣嚟。

F:如果偷影你嗰位,向你自首你會點做?

Larine上週被 FACE Pop野生捕獲,真人同網上相一樣咁索,證明 Larine冇 P圖㗎!

L:哈哈哈……咁我唔會一拳打落去嘅,打佢會犯法嘛,問下佢點解要擺上網,你自己收埋睇咪算囉,我媽咪係一個好傳統嘅人嚟嘅,呢啲新聞都未俾佢知,好彩我阿媽都冇咩上網。

F:突然成為網絡女神,生活有咩轉變?

Larine instagram有不少私相,但 Larine就話冇做過 model,她說:「全部冇錢,仲要蝕錢添。」(網上圖片)

L: Instagram多咗好多人 follow,以前鋪一張相都係得幾十個 like,𠵱家多咗 like,存在感好似大咗,我終於唔係隱形人喇,因為以前鋪完啲相都冇人理嘅,就算開心定唔開心都冇人理你㗎。但我冇諗過入行,我有睇網友留言,話好期待我出寫真集,但係我好肯定答唔會,而且對呢行好陌生,所以如果要入行都要三思先。

F:成日被人話「隆胸」?

Larine雖然有 F cup身材,不過 instagram好少晒料,巴打係咪好羨慕隻熊仔呢?(網上圖片)

L:校,就俾人話係隆胸,(點應付?)咁,我係真㗎嘛,有男仔截住我問:「你個胸真定假㗎?可唔可以揸下呀?」我答佢:「梗係唔得啦,唔通唔俾你揸,我個胸就係假㗎咩?(有冇同老師講番呢件事?)算啦,佢又冇真係掂到我,如果有,我已經報咗警啦。」

F:點解要睇心理醫生?

女神必定被人話整容隆胸, Larine都唔例外,不過佢就話呢啲問題,由細被問到大,對佢嚟講已經麻木喇!(網上圖片)

L:因為校園欺凌,當全校都唔鍾意你,行每一步嘅時候都會有人指指點點,自己身邊嘅朋友都因為人哋嘅流言蜚語,而離開自己,就會有一定嘅壓力,當時自己年紀又細,朋友好似係我唯一,咁我幼稚園已經俾人蝦㗎啦,中學又被人蝦, 15、 16歲嗰陣,當時醫生對我做音樂治療,一邊催眠,一邊聽音樂,因為當時我係失眠咗兩個月,夜晚冇得瞓覺,跟住要撼頭埋牆,我直頭衝出馬路,同媽咪講我想死,你不如由我啦,媽咪就捉番我入嚟,叫我唔好咁。

攝影:鄭明川


鍾意就快D Share啦!
Related Posts Plugin for WordPress, Blogger...