2016年3月27日 星期日

網民熱話:《太》劇金智媛教你撩仔絕招 __,

學嘢啦,港女們!next1/1pre遞毛巾加晒分,難怪一向鐵面嘅徐大英個心會畀金智媛溶化咗。next1/1pre男女共處一室…next1/1pre靚女主動暗示要咀嘴…可惜徐大英唔領情。next1/1pre撒嬌的女人最好命!next1/1pre讚吓男方勁識Do!next1/1pre細心幫愛人搽防曬。next1/1pre咀喇咀喇!可惜畀宋仲基一個Call破壞晒…next1/1pre韓劇《太陽的後裔》熱 ...


學嘢啦,港女們!

next 1/1 pre

遞毛巾加晒分,難怪一向鐵面嘅徐大英個心會畀金智媛溶化咗。

next 1/1 pre

男女共處一室…

next 1/1 pre

靚女主動暗示要咀嘴…可惜徐大英唔領情。

next 1/1 pre

撒嬌的女人最好命!

next 1/1 pre

讚吓男方勁識Do!

next 1/1 pre

細心幫愛人搽防曬。

next 1/1 pre

咀喇咀喇!可惜畀宋仲基一個Call破壞晒…

next 1/1 pre

韓劇《太陽的後裔》熱播中,全球劇迷陷入瘋狂狀態。除咗男一宋仲基型爆軍服Look迷倒萬千女人心之外,女主角宋慧喬、男二晉久同女二金智媛都極速爆紅!男二、女二之間「想愛又不能愛」嘅戀情亦係劇集一大看點,令兩人成為極受追捧嘅螢幕情侶,仲幫佢哋起咗個花名叫「救援夫婦」(晉久嘅「久」字與金智媛嘅「媛」字,與「救援」兩字嘅韓文發音一樣)!而金智媛飾演嘅「尹明珠」,喺頭幾集都採取主動出擊嘅方法,向心愛嘅「徐大英」(晉久飾)不斷示愛,呢幾集兩人進展開始明朗化,徐大英仲甘願為女友放下軍服添!有網友就盤點出明珠由劇集開播到依家,向徐大英講過幾多愛的宣言同舉動,令佢即刻被封為新一代「撩漢高手」!

迫男方表明心聲

總括嚟講,明珠喺愛人徐大英面前甘願放下女生矜持,一共使出「四大絕招」!首先,佢喺第七集趁住大英獨自洗面時出現,質問對方點解要嚟災難現場,係自薦定係被委派?佢仲問大英如果佢有事,大英會點?當大英坦白心聲話如果明珠有事,就一定會好後悔當初係咁避開佢,明珠於是再問大英:「咁依家我冇事,你仲咁樣一碌木企喺度?」即刻令大英忍唔住勁Man咁一手將佢擁入懷內,場面真係勁Sweet!

時機啱主動索吻

去到第八集,明珠又使出另一招「撩漢」絕技,佢趁住同大英兩個人共處一室,主動行前向男方索吻,雖然大英怕醜得滯即刻逃走,但一啲都磨滅唔到明珠對佢嘅癡心一片,喺之後兩集繼續向佢使出「撩漢」招式!

天真率性少女心

到第九集,大英終於向明珠父親顯露真心,仲表明會繼續同明珠發展,當明珠得知父親同意二人交往時,佢即時變身少女,好似細路女咁開心到紮紮跳,冧到大英個心都融埋,Cute到震呀!

口甜舌滑冧愛人

嚟到第十集喇,明珠「公器私用」趁機同大英同車出做嘢,又對住愛人勁真摰咁「口甜舌滑」,謂:「你每日朝早唔照鏡架咩?唔照鏡就每朝早我望吓都好吖,生得咁靚仔!」之後仲話:「依家嘅徐大英係最好,我認識嘅徐大英一係就穿住軍服,一係就全裸,不過除咗我叫你除衫,唔係你唔可以除掉軍服!」佢仲利用自己上司身份命令大英轉身以正面望住佢,趁機伸手幫佢搽防曬,搞到大英都唔再理其他人目光,忍唔住一嘢捉住明珠,正喺大家期待睇到佢哋「螢幕初吻」時,竟然畀宋仲基一個Call破壞咗,令人大嘆可惜!

收視保證

金智媛今次出演《太陽的後裔》變身「撩漢高手」大獲好評,其實現年23歲嘅佢演出經驗已經相當多,由2011年開演參演戲劇,雖然一直都係以做女二居多,但表演仍然好精彩,仲可以話係收視「福將」添!凡有親佢參演嘅劇集,套套收視都唔衰得去邊架!好似佢喺2013年出演《繼承者們》入面嘅「劉Rachel」一角,唔止套劇爆紅,其他演員好似李敏鎬、金宇彬、朴信惠同姜河那亦瞬間彈起,而「劉Rachel」一角亦令佢人氣急升,演技仲愈來愈紮實,令佢打下今日《太陽的後裔》中的「撩漢」根基!

網民有話兒

Happyxxx:明珠喺頭幾集都已經係「撩漢高手」,首先有奪命追魂call,之後又人肉速遞,「副材臉」大英都抵受唔住啦,正所謂「女追男隔層紗」嘛!

芒果xxx:我好鍾意睇呢對呀,「撩漢高手」尹明珠!第十集講佢有重病,佢唔可以死架,「撩漢高手」不能先走一步呀



英明xxxx:尹明珠如果死咗我就放棄呢套劇!

蕃茄xx:明珠問大英係咪唔照鏡,仲叫佢睇吓自己有幾靚仔嗰陣,我真係要唔順,太肉麻喇,哈哈!

Every_xxxx:如果劉時鎮係撩妹高手的話,咁尹明珠一定係撩漢高手,次次表白都係「直線球」,又爽又可愛!


來源 source: http://hk.on.cc
鍾意就快D Share啦!
Related Posts Plugin for WordPress, Blogger...