復活節假期迎來近日難得好天氣，大批市民繼續湧到離島外遊歡度假期。前往長洲的5號碼頭早上大批輪候上船的乘客在閘外「打蛇餅」動彈不得，即使船公司已加開班次應付，惟加開的船班轉眼亦已爆滿。截至下午5點，新渡輪發言人稱錄得2.3萬人次從中環乘船前往長洲，數字已達昨日全日總和，從早上9點起已加開16班船班疏導人潮；同一時段亦有多達1.4萬人次離開長洲，新渡輪發言人稱至5點已安排加開8班船接載旅客離開，會留意情況再決定加開班次。近年每逢假日長洲都出現人滿之患，惹起當區居民不滿。有長洲居民在facebook發文呼籲市區居民不應盲目前往長洲影響居民生活，但隨即有人反駁「假期唔去得，平時返工又無得去，咪得番啲長洲居民，咁做生意個班咪要執？」結果惹來居民更大反彈，「原來以前長洲未有遊客佔領嘅時候，長洲居民大多都係失業嘅，又冇商鋪喎，得閒返去問吓屋企人，以前係唔係食樹皮長大先。咁你地真係要多謝班遊客帶來長洲經濟繁榮，人人捱貴飯，有家歸不得。」有長洲居民就認為船公司理應讓居民優先上船，又有人抱怨當區區議員無兌現選舉承諾，解決渡輪服務不足的問題，「區議員競選時講就無敵，做就縮沙，浪費選民選票」。長洲南北選區現任兩名區議員，分別是經民聯鄺官穩和民建聯的李桂珍，其中李桂珍的競選政綱稱會關注渡輪服務。【長洲居民咁講】
Tigi Milk：咁你地真係要多謝班遊客帶來長洲經濟繁榮，人人捱貴飯，有家歸不得。Wing Chow：藥房執笠佢地就拍晒手，我哋無路行怨幾句又話影響經濟。Alice Choi：啱啱回家時用咗20分鐘。只係從碼頭至慧因，個嘴不停講：唔該借借、借借、唔該。啲遊客仲要啤住我。King Tin：佢哋以為自己帶動長洲經濟好威威，但係自己做埋啲嘢影響人又大把藉口，佢地仲有資格話大陸人喎。Anthony Hung 其實真係要分開俾我哋島民先上船，但奈何點反映都好，政府同船公司都依然故我，我們是否只能接受？
|
鍾意就快D Share啦！
|
|
|
