掃呢頁CODE去手機

2016年4月26日 星期二

親友眼淚賀出嫁 梁佩瑚靠鷄同鴨講馭夫 __,梁佩瑚,

梁佩瑚與郭雲飛昨晚在三亞舉行婚禮,浪漫、溫馨、如夢一樣。前港姐季軍梁佩瑚昨日與相識半年、投資地產的蒙古商人郭雲飛在三亞舉行婚禮,成為「蒙古少奶」,她透露老公在深圳工作多年,現在已經算是漢人。提到昨晚的婚禮,她表示婚禮以「夢」為主題,代表夢中的婚禮,所以現場設計了泡泡,而且每張枱都有個「夢」字。梁佩瑚與老公口味一直,兩人可謂一拍即合,她說:「我唔食牛,鍾意食羊,又鍾意食麵唔食飯,奶奶知道就話我咁似蒙 ...


梁佩瑚與郭雲飛昨晚在三亞舉行婚禮,浪漫、溫馨、如夢一樣。

前港姐季軍梁佩瑚昨日與相識半年、投資地產的蒙古商人郭雲飛在三亞舉行婚禮,成為「蒙古少奶」,她透露老公在深圳工作多年,現在已經算是漢人。提到昨晚的婚禮,她表示婚禮以「夢」為主題,代表夢中的婚禮,所以現場設計了泡泡,而且每張枱都有個「夢」字。梁佩瑚與老公口味一直,兩人可謂一拍即合,她說:「我唔食牛,鍾意食羊,又鍾意食麵唔食飯,奶奶知道就話我咁似蒙古人。」

估唔到老公咁飲得

忙完婚禮後,梁佩瑚今日再接受訪問時透露,不少嘉賓今日一早去了打高爾夫球,但她因宿醉及太攰而未能陪同:「婚禮完咗後,同啲兄弟姐妹去唱K,個個都飲到醉晒,我仲飲到嘔,只有老公清醒,佢仲認叻話自已飲咗五支香檳,加無數中國白酒,我估唔到佢咁飲得。」

買保險以防嫁唔出

梁佩瑚的婚禮上,身邊好友與親戚都為她高興,還感動到落淚,她說:「佢哋喊係因為我終於嫁得出,單身咗四十幾年,父母喺加拿大,細佬一直覺得我嫁唔出,所以佢買樓都聯名預埋我,又幫我買定好多保險養老,依家終於放下心頭大石。」

兩種語言嗌唔成交

談及夫妻相處之道,竟然是鷄同鴨講,梁佩瑚說:「爹哋驚我哋嗌交,叫老公唔好同我嗌,知我脾氣唔好,但我哋兩個語言不通,佢講普通話,我講廣東話,嗌起交上嚟大家都唔知大家講咩,最後忍唔住笑,咁樣相處仲好。好似接新娘時,姐妹要佢用廣東話讀一段嘢,佢將『包容』講咗『包養』,我之後睇番真係畀佢笑死。」


來源 source: http://hk.on.cc
鍾意就快D Share啦!