2016年4月26日 星期二

【創業闆】陸詩韻谷盡34D做Bra后! __,詩韻,陸詩韻,李詩韻,

陸詩韻自己做生招牌!前港姐陸詩韻曾做空姐四年,2005年獲得香港小姐亞軍後加入娛圈,拍過多部劇集及電影,亦曾任司儀。不過詩韻之後有感事業發展不大,故突然半退娛圈從商,起初幫其從事製衣貿易生意的父親打理生意,但性格獨立的她始終有野心,故四年前自己搞物流貿易公司,負責做中間人聯絡廠商及外國買家,事事親力親為。現時,她除了與友人合資開餐廳,更發展網上生意,且愈搞愈大,更親身性感出擊,為自家設計的內衣品牌 ...


陸詩韻自己做生招牌!

前港姐陸詩韻曾做空姐四年,2005年獲得香港小姐亞軍後加入娛圈,拍過多部劇集及電影,亦曾任司儀。不過詩韻之後有感事業發展不大,故突然半退娛圈從商,起初幫其從事製衣貿易生意的父親打理生意,但性格獨立的她始終有野心,故四年前自己搞物流貿易公司,負責做中間人聯絡廠商及外國買家,事事親力親為。現時,她除了與友人合資開餐廳,更發展網上生意,且愈搞愈大,更親身性感出擊,為自家設計的內衣品牌任「代言人」。

設計概念嚇親人

詩韻受訪時透露網上生意上年七月開始,並以其英文名命名為Sharon's Workshop,詩韻表示投資了約百萬:「做咗嘢咁多年,一路都有儲錢,咁大個女都會有啲投資,所以今次唔算用晒畢生積蓄。」詩韻於網上除了有做日本或其他地方的美容護膚品生意,早前更搞埋網上內衣、睡衣生意。

Sharon's Temptation,之前她找來外籍模特兒為自己設計的產品拍廣告照,今次她就親自上陣做「代言人」,谷盡34D上圍晒三吋事業線及長腿拍硬照作「生招牌」,詩韻謂:「美容用品嗰邊反應相當唔錯,但創立內衣品牌係我由細到大嘅夢想,所以一齊做。今次同法國品牌廠商合作,佢哋畀機會我自己嘗試設計,依家喺我自家網店、香港、澳門一啲百貨公司都有得賣。」詩韻從沒學過設計,故今次有找專業設計師給意見,而她的想法相當前衞,更嚇窒設計師,她笑言:「我嘅諗法好天馬行空,我設計嘅喱士睡衣開衩開到去肚臍,佢話唔得,咁會冇力承受到,條褲會甩,咁惟有諗過第二個款,幾好笑。」

最緊要靚

問詩韻為何首次找來模特兒而自己不上陣做生招牌?她謂:「嗰陣好猶豫,覺得朋友設計得咁靚,點解唔自己示範?冇諗過自己要做呢樣嘢宣傳,不過之前啲朋友有畀意見,覺得自己着番會更加知道邊部分要凸顯設計、身體各部嘅呈現,所以今次就自己上陣。」

日前詩韻穿性感透視睡衣拍攝,低胸之餘更晒香肩,另外有西裝、Bra Top高衩裙及恤衫晒Bra造型。詩韻非常落力,跳埋彈床以求最佳效果,她說:「靚就得叮喇!對我嚟講,冇辛苦兩個字,最緊要出嚟效果靚,大家滿意就得。(底線?)我要有質素,呢個一定要,唔係話露多少少同露少啲嘅問題。」

出20萬調停糾紛

提到之前做生意經驗,詩韻坦言碰過不少釘,所以學曉很多:「做老闆唔簡單,要照顧十幾個員工,好大壓力,日日要諗追單追數,嗰陣成日都做到好忟。做貿易吃力不討好,試過自掏荷包20萬擺平客戶間嘅糾紛。因為當時內地廠方遲咗出貨,用船運貨太慢,令外國買家收唔到,自己惟有『硬食』攞20萬飛機運費,確保對方收到貨,做中間人就係咁,經常有機會賠錢,明明蝕錢都要保住公司信譽。」


來源 source: http://hk.on.cc
鍾意就快D Share啦!