掃呢頁CODE去手機

2016年5月22日 星期日

趁許亦妮行開15分鐘 肥仔男友急食長髮女 攬啜摸Pat __,許亦妮,

27歲許亦妮曾經同太陽娛樂老板周焯華(洗米華)嘅頭號愛將盧啟邦撻着,不過呢段感情好快就見光死,直至今年2月,《蘋果》喺澳門撞見許亦妮有新歡,同一個肥肥哋、貌似韓國江南大叔PSY嘅肥仔男仔夜蒲,兩個人孖住去新濠天地ClubCubic睇著名DJTiesto打碟,兩個人又攬又啜,甜蜜到不得了(新聞連結:http://bit.ly/1W7QDgt),之但係,當大家以為許亦妮搵到真愛好幸福嘅時候,竟然畀《蘋 ...




其他影片:>>






27歲許亦妮曾經同太陽娛樂老板周焯華(洗米華)嘅頭號愛將盧啟邦撻着,不過呢段感情好快就見光死,直至今年2月,《蘋果》喺澳門撞見許亦妮有新歡,同一個肥肥哋、貌似韓國江南大叔PSY嘅肥仔男仔夜蒲,兩個人孖住去新濠天地Club Cubic睇著名DJ Tiesto打碟,兩個人又攬又啜,甜蜜到不得了(新聞連結: http://bit.ly/1W7QDgt ),之但係,當大家以為許亦妮搵到真愛好幸福嘅時候,竟然畀《蘋果》直擊佢男友背住許亦妮偷食,趁住許亦妮去廁所嗰陣,速食另一個索女,衰到冇人有!噚晚亞洲國際博覽館舉行「DJ Revolution Presents Dimitri Vegas & Like Mike」,箍緊牙嘅許亦妮同佢個肥仔男友以及成班朋友都有捧場,記者見到許亦妮個肥仔男友嗰陣,佢已經飲咗唔少酒,情緒相當高漲,不時攞住杯香檳四圍同朋友飲,而許亦妮就去咗去同朋友吹水。冇幾耐,許亦妮去廁所,不幸嘅事就發生許亦妮呢頭行開,肥仔男友即刻四圍望,俾佢撞到個着住超短褲嘅長髮索女,佢一見索女即刻捉住密斟,然後隻手好唔規矩喺個女仔pat pat對落位置四圍掃來掃去,又攬住個索女咬耳仔,多次輕輕錫索女塊面幾啖,熱身一輪之後,肥仔退後幾步,再睇吓許亦妮返嚟未,跟住極速拉住索女行入去一個VIP較隱閉嘅位置繼續下一個回合。原來嗰度有唔少肥仔老友,《蘋果》記者親耳聽到肥仔同班男友friend話:「幫我睇水,佢返嚟通知我。」講完呢句說話,Round 2開始,肥仔同索女又攬又互相摸身,跟住兩個人就攬住嘴對嘴狂啜,啜完一輪之後,肥仔又摸索女隻手,個索女又掃肥仔心口,慾火焚身,完全當許亦妮唔存在喺呢個世界上咁。佢哋O依O依泣泣咗15分鐘之後,許亦妮終於出現,佢似乎望到肥仔男友偷食,同肥仔男友嘈起上嚟,但身邊班男仔朋友就猛幫肥仔講好說話同勁多大話,話肥仔同個索女之間冇嘢,其中一個就搭住肥仔膊頭猛話:「冇嘢㗎!冇嘢㗎!」雖然許亦妮個樣嬲爆爆,不過都肯繼續同肥男友一齊繼續睇騷,佢哋成班人逗留到凌晨12點左右,就成班人坐住兩部都係「777」數字嘅車牌離開,去咗中環繼續夜蒲,呢兩部車似乎都係屬住肥仔,睇嚟佢都係有米之人!唔知佢真係咁天真信男友同班朋友,抑或「隻眼開隻眼閉」算數呢?

(攝影:楊浩賢、陳辰)(紅色圈圖為男友資料圖片) 許亦妮同男友噚晚亞洲國際博覽館睇騷。 本來同男友一齊,點知許亦妮行開同友人吹水兼順便去廁所。
肥男友遇到個長髮索女,隻手向其近pat pat位置係咁掃… 仲不時咬耳仔…睇完許亦妮亦嚟未… 佢就捉咗長髮女去VIP區一個暗位,搵朋友幫手睇水!!!
一開始都係密密斟,有講有笑,咬吓耳仔 傾多陣,許亦妮男友即同索女攬到實打車輪,二人仲相當肉緊 調情多一陣…
佢哋就出返去… 不過二人都有一齊跳舞… 許亦妮男友仲摸住女方個pat…
許亦妮事後見到男友撩女,即嘈咗幾句,而男友嘅friend即幫手調停! 許亦妮最終都被o氹掂…

鍾意就快D Share啦!