麥明詩日前喺《星星探親團》節目中，無限Loop「十優」、「劍橋」，畀網民揶揄離晒地，但事後好多護花使者出嚟護航，包括麥明詩正印男友林作，話女友都係照稿讀，明畀大台擺上台，之後「洪暖男」洪永城同何浩文(Dominic)又爭相喺網上貼文力撐。其實麥明詩同亞軍龐卓欣有家底、有學歷，一直考慮簽唔簽長約，最後龐卓欣選擇唔簽，即刻被打入冷宮。但留低嘅，似乎亦唔係咁好受。麥明詩雖然工作量多咗，最近接拍由王晶監製嘅無綫新劇，當中有好多大卡士，如四哥謝賢、佘詩曼、劉兆銘等，但作為新人嘅麥明詩，喺片場亦係受番「新人」嘅待遇。麥明詩同Dominic喺劇中演情侶，最近日日返深圳開工，近日Dominic就喺facebook連發幾條貼文，自爆拍劇辛酸，如食物質素欠佳，今日仲講咗一個唔係好多人識笑嘅笑話：「送上一個我妹DaDa冇反應、但係麥明詩笑到差少少往生嘅gag。同佢兩個食晚飯嘅時候，我哋講起去夜店拍攝中，麥明詩0900到現場，但1800先有得拍，呢啲情況佢當然要瞓住等啦，我就話『其實喺嗰度瞓覺應該會發好多夢』、『點解呀』，佢哋問…『因為，夜場夢多』哈哈大笑，句號」據知，麥明詩晚上6點開工，但「被安排」09到場地，麥明詩仲試過與大陸臨時演員坐同一駕車，夏天個個一身大汗，應該幾難頂，而Dominic曾影過車廂內惡劣環境，留言：「有試過跟垃圾一起去拍攝現場嗎？還有十幾二十隻蚊子在等著我們的血呢！好開心啊。」
相關新聞：
【「讀名牌大學又點？」 】麥明詩親回網民：大把所謂名校畢業生搵唔到工買唔起樓
http://bit.ly/1TlCjAy
|
鍾意就快D Share啦！
|
|
|
