掃呢頁CODE去手機

2016年5月22日 星期日

【35D港姐緋聞多】太子爺男友車輪轉 許亦妮轉攻有米男 __,許亦妮,港姐,

【短片】【35D港姐緋聞多】太子爺男友車輪轉許亦妮轉攻有米男2016-05-2200:47:00HKT擁有35D上圍嘅許亦妮,參選港姐時被封翻版江若琳,係2011年港姐季軍兼最上鏡小姐,緋聞男友一大籮包括孔樂勤、旅行社太子爺李尊豪、健身中心太子爺陸征宏、林建名兒子林孝信、楊超成幼子楊嘉傑,幾乎全係有米男,早前仲被影過佢同證券公司董事施俊威約會開餐,2013年又影到佢同霍啟剛好友、富二代詹勝約會,緋 ...


【短片】【35D港姐緋聞多】太子爺男友車輪轉 許亦妮轉攻有米男

2016-05-22 00:47:00 HKT

擁有35D上圍嘅許亦妮,參選港姐時被封翻版江若琳,係2011年港姐季軍兼最上鏡小姐,緋聞男友一大籮包括孔樂勤、旅行社太子爺李尊豪、健身中心太子爺陸征宏、林建名兒子林孝信、楊超成幼子楊嘉傑,幾乎全係有米男,早前仲被影過佢同證券公司董事施俊威約會開餐,2013年又影到佢同霍啟剛好友、富二代詹勝約會,緋聞浪接浪,最近佢曾同洗米華頭號愛將、太陽集團高層盧啟邦(Andrew)拍拖斷正,不過呢啲都似乎唔係佢嘅真命天子……

許亦妮今年2月被《蘋果》影到凌晨12點半,許亦妮同肥仔男友去咗澳門新濠天地Club Cubic,與一班好友去玩,棒著名DJ Tiesto場,肥仔男友對佢high爆攬啜又掃pat,二人仲拖住手離場,先送朋友出門口,二人再一齊上酒店補眠,點知噚晚又被《蘋果》影到佢男友趁許亦妮去廁所,即帶咗個長髮索女去VIP區暗角打茄輪,仲搵友人睇水,怕被許亦妮撞破,點知喺肥仔男友同長髮索女黐得好埋嗰陣,被許亦妮見到,一班好友即幫肥仔解圍,說服許亦妮!

今日許亦妮回應《蘋果》,佢再一次強調肥仔唔係佢男友,佢解釋:「嗰個唔係我男友,唔好次次同我出親嚟嗰啲,就當咗我男朋友啦,我都想拍拖,如果人哋以為我有男友,就冇人再追我㗎啦,同埋我都唔想影響身邊朋友。」許亦妮聲稱肥仔唔係男友,之但係今年2月記者影到佢同肥仔喺澳門又攬又啜,跟住蒲到天光再手拖手返酒店,咁都唔算係男友,定係近排分咗手呢?







許亦妮緋聞男友孔樂勤。



許亦妮曾傳同有份投資《夜蒲3》太陽集團有米高層盧啟邦(Andrew)撻着。



有米闊少 Matthew


鍾意就快D Share啦!