掃呢頁CODE去手機

2016年5月22日 星期日

54歲杜德偉一索得男:光宗耀祖! __,杜德偉,

杜德偉指太太現時懷胎五個月,肚凸凸無阻攬到實。
54歲杜德偉一索得男:光宗耀祖!恭喜鵰神得米!杜德偉昨日驚喜宣布太太有喜,還自爆與太太Ice用了十多支驗孕棒瘋狂測試,以確認有喜。雖然年屆54,但他仍然有心有力,一索得男:「都估唔到我咁勁,真係光宗耀祖!」更豪言要生夠半打!杜德偉指太太現時懷胎五個月,肚凸凸無阻攬到實。現年54歲的歌手杜德偉(Alex)無論在港、台兩地開騷都例必邊唱邊剝剩條閃底晒天賦「巨鵰」,被封為「鵰神」的他今次後繼有人!201 ...


54歲杜德偉一索得男:光宗耀祖!

恭喜鵰神得米!杜德偉昨日驚喜宣布太太有喜,還自爆與太太Ice用了十多支驗孕棒瘋狂測試,以確認有喜。雖然年屆54,但他仍然有心有力,一索得男:「都估唔到我咁勁,真係光宗耀祖!」更豪言要生夠半打!

現年54歲的歌手杜德偉(Alex)無論在港、台兩地開騷都例必邊唱邊剝剩條閃底晒天賦「巨鵰」,被封為「鵰神」的他今次後繼有人!2012年跟年輕24歲的太太李曉冰(Ice)結婚的Alex,昨日在社交網上載兩人相擁的照片,驚喜宣布太太有喜:「人生的確是充滿神奇和驚喜,我一直都以為我這一輩子只會愛我老婆一個,但現在看來我要一心二用了!」可謂人如其綽號「杜德米」一樣「德偉,得米!」,榮升人父的Alex昨日接受本報電話訪問時自爆今次一索得男,透露太太已懷孕五個月,預產期為10月份。全程訪問中難掩興奮的他坦言,兩人結婚初期沒有想過生小孩,因經濟不好及世界很亂等各種理由,選擇只過二人世界。

照去旅行 全程做阿四

直至去年中,Alex在朋友的鼓勵下開始嘗試造人計劃,但一直都沒有聲氣,其後採用家庭醫生建議的排卵期方法,結果一個月便中獎!他笑言市面有太多種類的驗孕棒,兩人抱着懷疑心態,用了十多支驗孕棒瘋狂檢查,以確認有喜。雖然Alex年屆54歲,仍然有心有力,更忍不住笑說:「都估唔到我咁勁、咁叻仔!係仔嚟o架,真係光宗耀祖!」

杜德偉與當時仍未見肚的太太到韓國旅行,粗重嘢攬晒上身。
  • 杜德偉與當時仍未見肚的太太到韓國旅行,粗重嘢攬晒上身。
年過50又如何!杜德偉有心又有精力,一索得男冇難度!(設計圖片)
  • 年過50又如何!杜德偉有心又有精力,一索得男冇難度!(設計圖片)

Alex又透露早前因太太懷孕未夠三個月而要守口如瓶,為免穿煲更瞞着太太家人,照原定計劃於2月初舉家飛到韓國旅行。當時Ice已懷孕兩個月,Alex知道老婆「身負重任」而愛護有加,除了做「苦力」拿着四大袋戰利品,還在街上肉緊地攬錫老婆,最後趁着Alex於2月10日54歲生日時向外父、外母宣布有喜,雙喜臨門!兩星期前,他又帶已見肚的太太到馬爾代夫旅行,「一家三口」享受陽光與海灘。談到首次做爸爸,Alex坦言這個年紀最適合,無論在各方面都好健康、很有精力,而且心態又成熟:「可以做一個好榜樣,雖然冇呢方面嘅經驗,最初都懷疑自己係咪一個好爸爸,但係唔使諗咁多」

望四年抱三 生夠半打

至於準媽媽Ice亦有接受訪問,她透露近日開始感覺到胎動:「BB好似條金魚仔咁喺度游吓游吓,Alex都會放隻手喺肚上面,佢都Feel到。(依家佗BB有冇唔舒服?)冇喎!佢好文靜又唔係好曳,有時我會唔記得咗有BB,一切好正常!我依家都肥咗20磅,醫生都叫我唔好食咁多。」Ice又覺得BB應該像兩人一樣眼細細,問到可有打算追多個女兒湊個「好」字?兩人笑言生一個唔夠喉,希望四年抱三,目標更要生夠六個!

文:音樂組


鍾意就快D Share啦!