2016年5月14日 星期六

【獨家】老戲骨頂住港劇 81歲曾江出山為ViuTV拍劇 __,ViuTV,Viu,曾江,

ViuTV新劇《瑪嘉烈與大衛系列綠豆》,搵咗林保怡、周家怡、王宗堯同廖碧兒等,至於王宗堯嚟緊會同趙學而客串幾集《瑪嘉烈》,佢哋飾演兩公婆,但王宗堯就會背住老婆同舊情人廖碧兒翻撻,兩個人仲會有場相當激烈嘅床戰o添!其實《瑪嘉烈》近期搵咗唔少人客串演出,除咗王宗堯、趙學而同葛民輝之外,其實仲有位份量十足嘅好戲之人加入,就係舊年憑電影《竊聽風雲3》攞咗香港電影金像獎最佳男配角嘅曾江。81歲嘅曾江,雖然舊 ...




其他影片:>>






ViuTV新劇《瑪嘉烈與大衛系列綠豆》,搵咗林保怡、周家怡、王宗堯同廖碧兒等,至於王宗堯嚟緊會同趙學而客串幾集《瑪嘉烈》,佢哋飾演兩公婆,但王宗堯就會背住老婆同舊情人廖碧兒翻撻,兩個人仲會有場相當激烈嘅床戰o添!其實《瑪嘉烈》近期搵咗唔少人客串演出,除咗王宗堯、趙學而同葛民輝之外,其實仲有位份量十足嘅好戲之人加入,就係舊年憑電影《竊聽風雲3》攞咗香港電影金像獎最佳男配角嘅曾江。81歲嘅曾江,雖然舊年有幫大台拍綜藝節目《四個小生去旅行》,兼喺記者會畀四哥謝賢摑一巴,搞到全城轟動,但講到電視劇集,佢其實自從2010年拍完亞視部《勝者為王2010》之後,就主力喺大陸拍劇,或者拍港片,所以今次重出江湖,真係好難得。《蘋果》記者今日打俾曾江,接聽嘅係佢老婆焦姣,講到曾江幫ViuTV拍攝,佢話:「係呀,不過唔係好多(戲份),因為以前同個導演合作過,搵到幫吓手,無所謂都冇喺香港拍劇,同埋呢個新鮮啲吖嘛,都想了解多啲。佢鍾意睇吓新嘅電視台點呀,有機會第日又合作多啲囉!」至於,曾江本人就話一直有喺內地拍好多劇:「我喺大陸拍好多電視劇㗎,就係好耐冇喺香港拍吖嘛,咪玩吓囉。做潘燦良爸爸,客串形式,我O依家點同人簽長約吖,唔得㗎喇!同啲比較新嘅朋友演員合作吓,跟佢哋學啲嘢吖嘛。佢哋諗法、佢哋世界同我哋唔同吖嘛。」有冇睇過新電視台嘅嘢?曾江笑住話:「從來冇,我都唔知點收(接收)!」記者話佢知個劇播緊,逢星期一、二晚11點播,曾江就好驚訝咁話:「嘩,11點呀?咁即係挨眼瞓㗎喎?咁我都會睇吓,睇吓佢哋乜嘢形式,我都會配合吓嘅!」另外,問番王宗堯今次幫ViuTV拍《瑪嘉烈》,佢就話:「一路想ViuTV有劇拍,自己又成日探保怡、家怡班,當初冇諗過一定要做,都係撐吓㗎啫,但後尾原來佢哋有角色話搵我都啱,我覺得OK幫到手咪去做囉。我都想今年有兩至三個幕前演出,其他時間希望做晒幕後嘢。噚晚去記協晚宴見到《導火新聞線》個導演傾開偈,大家都覺得ViuTV,如果開多啲劇,對成個大環境都係好事,再加上佢啲劇同一般劇唔同,佢哋個feel緊要過劇力,佢哋比較生活化啲。」問佢嚟緊同廖碧兒拍床戰尺度去到邊?係咪好激?佢就話:「佢ok,我ok架!」

81歲嘅曾江已經有17年冇喺香港拍劇,今次重出江湖真係好難得(電影《形影不離》劇照) 《廉政行動2011》劇照
《竊聽風雲3》劇照 王宗堯都有份拍《瑪嘉烈》仲會同廖碧兒有激烈床戰o添!(電影《同班同學》劇照) 其實宗堯BB都唔係第一次拍床戲㗎喇……(電影《同班同學》劇照)
《一路向西》劇照

鍾意就快D Share啦!
Related Posts Plugin for WordPress, Blogger...