50歲嘅林憶蓮，同細佢11年嘅恭碩良自拍拖以來，一係就傳兩人分手，一係就結婚。由「被分手」到「被結婚」，今日憶蓮終於正式宣佈:「沒有（結婚）這個打算，未來也不會（結婚）」早於去年二月，已有傳聞稱兩人赴歐美巡演時，順道喺美國註冊，但就唔會喺香港擺酒，而係喺上海，更有傳婚後憶蓮將搬去台北定居。講到似層層。恭碩良都冇你咁好氣，回應謂:「呢啲消息六、七個月就嚟一次，富娛樂性，我同佢會互相恭喜。」仲話自己來自破碎家庭，所以結婚要考慮清楚，唔想隨便結婚。今日憶蓮應邀到台灣出席「讓愛滋長伴我飛翔」公益活動，擔任愛心大使，錫錫愛滋寶寶，宣揚口水係唔會傳播愛滋病呢個正確觀念。入正題。記者問憶蓮幾時「好事近」？佢尷尷尬尬咁話：「每天都有好事。」即係幾時結婚？曾與音樂大師李宗盛有過一段婚姻嘅憶蓮就話：「沒有（結婚）這個打算，未來也不會（結婚）。」講到下個月喺台北小巨蛋舉辦嘅「造樂者世界」演唱會，恭碩良亦會任鼓手：「他是個非常棒的鼓手，珍惜每次與他合作的機會。」去年憶蓮擔任蔡依林演唱會嘉賓，今次開騷兩人會否合體？憶蓮話：「目前還在聯繫中。」
| 憶蓮與恭碩良婚期？憶蓮表示:「沒有（結婚）這個打算，未來也不會（結婚）。」(左圖為台灣蘋果日報圖片) |  由地下情到公開，憶蓮與恭碩良愛得自在，懶理外間傳聞。 (資料圖片) |  (台灣蘋果日報圖片) |
 憶蓮錫錫愛滋寶寶，帶出愛滋病不會經口沫傳染的訊息。 |
來源 source: http://hk.apple.nextmedia.com
|
鍾意就快D Share啦！
|
|
|
