掃呢頁CODE去手機

2016年5月7日 星期六

黎明完騷90度鞠躬謝幕 觀眾唔肯走! __,黎明,

願你今夜別離去~在我依稀的愛裏~~天王黎明在中環海濱長廊舉行尾場4D演唱會,他在台上向不捨的歌迷表示:「好開心同大家一齊度過咁開心嘅晚上,如果大家有下場,就繼續去下場,如果攰就返屋企瞓覺,聽日星期日,可以瞓到三點先至起身,然後食碗麵再瞓過,出面嘅朋友都係一樣!」不設慶功宴他繼續表示:「好開心可以同大家共度咁多晚,係好好嘅經驗,已經好滿足,我呢個演唱會係唔會有慶功宴,好多謝台前幕後所有人,我會繼續做 ...


願你今夜別離去~在我依稀的愛裏~~

天王黎明在中環海濱長廊舉行尾場4D演唱會,他在台上向不捨的歌迷表示:「好開心同大家一齊度過咁開心嘅晚上,如果大家有下場,就繼續去下場,如果攰就返屋企瞓覺,聽日星期日,可以瞓到三點先至起身,然後食碗麵再瞓過,出面嘅朋友都係一樣!」

不設慶功宴

他繼續表示:「好開心可以同大家共度咁多晚,係好好嘅經驗,已經好滿足,我呢個演唱會係唔會有慶功宴,好多謝台前幕後所有人,我會繼續做好我嘅工作、電影、整片,大家做好自己本份,上天係會睇到,依家翳焗嘅天氣又嚟,大家做吓運動出身汗會好好多,我哋今日喺內圍,睇吓外圍嘅朋友係點?」

fb直播中斷connect唔到

之後,他就開facebook直播,然後對住鏡頭講:「Hi!我哋喺內圍,唔知邊個食龍蝦呢?依家天氣好潮濕,太潮濕就好易…你哋知我講咩啦。」之後他就突然叫停音樂,因為facebook斷線,續謂:「Try to be connected,唔緊要,第一次唔得,再嚟過!」之後他再唱,但仍然connect不到,此時全場歌迷即拿起手幅,他驚喜問大家:「點解你哋有呢張紙嘅?雖然今次同外圍嘅朋友live chat唔到,但緣份嘅嘢不能強求,如果有緣我哋好快會再見,Good luck to you,good luck to everyone,good luck to Hong Kong,good luck to all over the world!我哋有機會會好快再見。」他又向日本和台灣歌迷講好快會再見。

10時18分完騷

之後演唱會在10:18完結,但現場廣播了兩場,大家都不肯走,係咁叫Leon同Encore,而場內亦一樣,大批紛絲依依不捨,想Encore繼續聽歌。


來源 source: http://hk.on.cc
鍾意就快D Share啦!