掃呢頁CODE去手機

2016年5月7日 星期六

麥明詩聽話識才子吳業坤帶媽咪追星 __,吳業坤,麥明詩,

麥明詩笑言贏在起跑線,全因媽媽識氹人經常從旁鼓勵。
麥明詩聽話識才子吳業坤帶媽咪追星明天母親節,無論是集萬千寵愛在一身的麥明詩,或是單親家庭長大的吳業坤,同樣趁機黐住錫啖媽媽。吳業坤的媽媽為養家不辭勞苦到地盤工作,現時爆紅的坤坤為報答親恩一連三日設計行程與媽媽慶祝;而十優狀元、劍橋畢業、港姐冠軍的麥明詩,完美人生就有專家媽媽一味靠氹,從旁規劃鼓勵成就。麥明詩笑言贏在起跑線,全因媽媽識氹人經常從旁鼓勵。香港小姐冠軍麥明詩出生於幸福家庭,爸爸是副校長, ...


麥明詩聽話識才子吳業坤帶媽咪追星

明天母親節,無論是集萬千寵愛在一身的麥明詩,或是單親家庭長大的吳業坤,同樣趁機黐住錫啖媽媽。吳業坤的媽媽為養家不辭勞苦到地盤工作,現時爆紅的坤坤為報答親恩一連三日設計行程與媽媽慶祝;而十優狀元、劍橋畢業、港姐冠軍的麥明詩,完美人生就有專家媽媽一味靠氹,從旁規劃鼓勵成就。

香港小姐冠軍麥明詩出生於幸福家庭,爸爸是副校長,媽媽麥何小娟是擁雙碩士學位的資深職業治療師(兒科)。贏在起跑線的麥明詩,全因有位兒童專家媽媽循循善誘教導成長,麥母說:「麥明詩細個好硬頸,要慢慢氹,發掘潛能、專注力、幫佢建立自信,最重要係畀正面鼓勵佢。」麥明詩感激說:「媽咪好識氹我,鼓勵我讀書、做功課,八歲自己搭飛機去澳洲交流,佢話唔係個個做到o架,做到咪好叻囉,但係佢冇要求我要做醫生、律師,只係氹我要努力讀書,大個就可以搵份舒服啲嘅工,媽咪細個仲成日讚我靚。」麥母笑言:「咁佢就信咗去選港姐,哈哈!」

身兼多職讀碩士

麥明詩成為會考十優狀元、劍橋畢業、後來更奪港姐冠軍,完全離不開一個氹字:「去英國旅行見到劍橋校園好靚,媽咪就話你得嘅,畀心機考啦。後來參加港姐,媽咪話我一定得,最尾又真係夢想成真。」麥母最難忘女兒三次喜極而泣:「佢好少喊,最深印象係佢攞十優、劍橋收咗佢、同攞港姐冠軍。」對於女兒成就,她卻不以為然:「平常心,呢啲唔代表一切,仲有好多嘢要奮鬥,反而最欣賞係佢勤力。」麥明詩說:「勤力係受媽咪影響,媽咪要返工、湊住兩個、仲可以讀完兩個碩士,真係好捱得。」

麥明詩爆媽咪自小成日讚她靚,又不時為她化妝。
  • 麥明詩爆媽咪自小成日讚她靚,又不時為她化妝。
  • 放大圖片
坤坤成功炮製驚喜,帶身為黎明超級Fans的媽咪與偶像合照。
  • 坤坤成功炮製驚喜,帶身為黎明超級Fans的媽咪與偶像合照。

帶眼識人免被呃

養兒一百歲長憂九十九,女兒決定選港姐入娛樂圈,麥母最憂心她的婚姻幸福:「擔心佢唔知識到咩人,但唔會反對,因為係佢嘅決定,等佢發展吓,睇見負面報道會唔開心,依家慢慢適應,唔好睇得咁重。」麥明詩笑言:「細個媽咪對我唯一要求,叫我要搵個好老公,好細個已經教我唔好咁易畀男仔呃,要帶眼識人。又話如果掛住拍拖,書讀唔好,將來就識唔到有才華嘅男仔,於是我好畀心機讀書。」

坤坤帶媽咪入核心內圍見黎明。
  • 坤坤帶媽咪入核心內圍見黎明。
小時候的坤坤自言很怕睇醫生,皆因醫藥費貴。
  • 小時候的坤坤自言很怕睇醫生,皆因醫藥費貴。

單親家庭長大的吳業坤(坤坤),向來十分疼錫母親,今年就特意安排由昨日開始一連3日與媽媽慶祝母親節。昨晚吃完晚飯,坤坤先送上「爆炸級」驚喜,帶媽咪去睇偶像黎明演唱會!坤坤昨晚與母親到達中環海濱看騷,但坤媽見到現場大批記者即怕醜翹實坤坤躲在其身後。坤坤笑言自出娘胎已知媽咪是黎明超級Fans,記得以前頒獎禮媽咪都會打電話投票,今次就趁機送上驚喜:「頭先同佢食飯,話食完飯不如去核心外圍聽歌,睇吓有冇機會入去,佢入到場都唔知道係有飛入嚟睇騷。」他更表示希望完騷後,可以成功帶母親與偶像集郵,完成母親節頭炮驚喜!據知當黎明在台上拋玫瑰花給歌迷時,坤媽成為幸運兒,果真喜事連連。而今日孝順仔坤坤則會帶媽咪睇張智霖演唱會,皆因他有份做嘉賓。至於母親節正日,就會與母親在家中吃大餐慶祝。

捱出頭孭起頭家

除連串節目,坤坤還特別為母親寫下新歌《無價》,借歌詞告訴母親,自己在其照顧下成長得很好,望將來能讓母親享福,相當感人!坤坤直言:「依家我會盡我所能,令屋企人食好啲,唔好令媽咪再頻撲。雖然佢咁多年都冇呻過,好堅強,但佢依家都56歲,希望佢可以再生活好啲,同佢去多啲旅行。」

拗柴死忍為慳錢

坤坤直言母親頻撲半生,做過地盤、清潔工人,所以自中學開始,他一直有工作賺錢,望減輕母親負擔:「我中六、七做Part Time,基本上都冇問媽咪拎零用錢。入咗TVB後,都係主要由我負責屋企嘅使費。」坤坤表示以前為了不加重屋企負擔,自己很怕睇醫生,覺得睇醫生是一件很昂貴的事:「我盡量都唔會睇醫生,自己有時打波拗柴都會好嬲自己唔小心,因為睇跌打要成200蚊。」

書香世家千金

十優港姐麥明詩出身書香世家,父親麥卓生為中學副校長,母親何小娟是資深職業治療師(兒科),而兄長麥明山則於香港中文大學醫學院畢業,現為醫生。和家人現居西九龍漾日居的她,為劍橋法律系畢業生,家境和學歷不俗!

單親屋邨仔

歌手吳業坤出身單親家庭,曾自爆十幾年前因父親包二奶,母親帶着他和妹妹出走,搬到位於樂富的屋邨居住。母親身兼多職獨力養大他們。

文:影視組

場地:点心代表


鍾意就快D Share啦!