「花花已經瘦了很多，再下去捱唔到幾耐」有網民近日在網上求救，指一隻於屋邨垃圾房長大的流浪貓「花花」被新任清潔女工虐打，連有心人給予的食物都通通被倒掉，惟花花拒絕讓貓義工帶走，「用籠放食物利誘佢都無用」，她形容花花「只能等死」，遂向網民求救，有否方法救花花。貼文隨即引來大批愛貓人士關注，狠斥涉事清潔女工「有報應架」。
曾在有關屋邨工作的網民Minnie Lai在社交網站上載花花的照片，可見牠軟弱無力趴在地上，她指花花本由清潔工飼養，以幫忙捉老鼠，惟該清潔工離職後沒有帶走花花，花花慘遭新任清潔女工虐待，「街坊見到佢咁慘會放貓糧及水餵佢，但清潔女工會即時掉落垃圾桶，目的是想監生餓死花花」，但花花當垃圾房為其家，不願離開。
樓主指曾有人找貓義工捉走花花，但花花很惡，無法捕捉，她自己嘗試捉花花時亦被咬，她直言花花已經瘦了很多，「再下去捱唔到幾耐」。
貼文一出，不少網民都表示心痛，又想前往探望花花，更有好心人表示願意領養。有網民就建議等清潔女工下班後，再到垃圾房餵花花，但記緊要清理現場，免被女工發現。有人則不值女工的行為，「我係你一定會鏟到個清潔女工上天花板」，又認為應投訴她。
網民有話說
Ello Ling：我今晚睇下，不過夜晩管理員會比貓貓入垃圾房(男個(嗰)個(嗰)管理員）
Momo Man：投訴個清潔工，等佢轉地方返工轉人
Fok Man Yee：可唔可以夜少少去餵？個女工冇可能廿四小時响(喺)垃圾房。
Ka Yan Cheng：隻貓已經係街流浪好慘，佢都係食人哋食剩嘅嘢，或者有啲好心嘅人為(餵)佢食嘢，又唔洗(使)佢理
Duncan Wong：如果用捕貓籠捉唔到佢，試下用網，等個女工收工先餵佢，佢食緊既(嘅)時候會唔會有機會捉到呢？
※緊貼網民熱話，掌握最熱話題，請關注網民熱話fb：
http://on.fb.me/1L3m1ro
|
鍾意就快D Share啦！
|
|
|
