掃呢頁CODE去手機

2016年5月23日 星期一

名人:公開戀情?猷啟孖女模錫錫放閃(Angelika) __,猷啟,Angelika,

兩位都好襯呀!賭王何鴻燊三房兒子何猷啟出名係城中名人界嘅靚仔,之前宣布咗單身之後,即刻升呢變為城中超級靚仔筍盤,佢嘅感情生活備受關注,啱啱喺instagram就見猷啟甫咗張相,佢同一位外籍女子頭貼頭自拍,外籍女子仲嘟起個嘴作勢錫落猷啟塊面度,唔通猷啟有新戀情?為咗求真,即刻翻查資料,發現呢位外籍女子都經常出現喺猷啟身邊,去蒲去玩仲一齊去旅行,就算係一班人合照,猷啟嘅朋友都會識做咁走位,留番猷啟同呢 ...


兩位都好襯呀!

賭王何鴻燊三房兒子何猷啟出名係城中名人界嘅靚仔,之前宣布咗單身之後,即刻升呢變為城中超級靚仔筍盤,佢嘅感情生活備受關注,啱啱喺instagram就見猷啟甫咗張相,佢同一位外籍女子頭貼頭自拍,外籍女子仲嘟起個嘴作勢錫落猷啟塊面度,唔通猷啟有新戀情?

為咗求真,即刻翻查資料,發現呢位外籍女子都經常出現喺猷啟身邊,去蒲去玩仲一齊去旅行,就算係一班人合照,猷啟嘅朋友都會識做咁走位,留番猷啟同呢位外籍女子企埋一齊身貼身影相,動作好自然加上朋友畀晒機會,睇嚟猷啟身邊朋友都睇好佢哋有發展機會,猷啟同外籍女子一齊玩都有幾個月,睇埋佢哋嘅留言,猷啟TAG住外籍女子個名話掛住對方,講到咁直白,猷啟今次放張咁親蜜嘅嘟嘴扮錫錫相,應該係想話畀人知佢哋關係好「蜜」切。

相信去到呢一刻大家都好想知道呢位外籍女子係邊位,其實佢個名叫Angelika,係一位平面模特兒,喺香港都參與過唔少大品牌嘅活動,Angelika個社交網站都放咗唔少水着相大晒身材,經常會出海玩水上活動嘅Angelika同鍾意運動嘅猷啟嗜好都幾夾。


來源 source: http://hk.on.cc
鍾意就快D Share啦!