掃呢頁CODE去手機

2016年5月22日 星期日

【老婆陀男B】54歲杜德偉目標生6個:我有好多精力 __,杜德偉,

恭喜恭喜,今年54歲嘅杜德偉(Alex)終於宣佈有喜,今日有周刊刊登佢同老婆李曉冰(Ice)嘅訪問,Alex透露老婆已經懷孕5個月,今年10月自己將會第一次做爸爸。今胎仲係一索得男,除咗兩公婆,家中長輩知道消息後都好雀躍。Alex今日接受《蘋果》電話訪問,講到第一次做爸爸,佢話自己呢個年紀係最適合生B:「我覺得無論心態,體能,身體都係比較遲熟嘅,所以喺依家呢個年紀,有小朋友啱啱好,無論各方面都覺得 ...


恭喜恭喜,今年54歲嘅杜德偉(Alex)終於宣佈有喜,今日有周刊刊登佢同老婆李曉冰(Ice)嘅訪問,Alex透露老婆已經懷孕5個月,今年10月自己將會第一次做爸爸。今胎仲係一索得男,除咗兩公婆,家中長輩知道消息後都好雀躍。Alex今日接受《蘋果》電話訪問,講到第一次做爸爸,佢話自己呢個年紀係最適合生B:「我覺得無論心態,體能,身體都係比較遲熟嘅,所以喺依家呢個年紀,有小朋友啱啱好,無論各方面都覺得自己好健康,好多精力,喺呢個時候自己嘅心態又成熟啦,可以對自己所做嘅一切負責任,變咗可以做一個好榜樣,雖然冇呢方面嘅經驗,最初都懷疑自己係咪一個好爸爸,但係唔使諗咁多啦,細個時爹哋媽咪都教得我哋兩兄弟好好,咁有好多細個時候嘅經驗,諗返童年過去好多回憶,最希望小朋友健康,有個快樂嘅童年,呢樣係我最想畀到小朋友嘅!」其實Alex三年前同細佢24年嘅嫩妻Ice結婚嗰陣,已經掦言會極速造人,不過訪問中,Alex話最初幾個月試過同老婆不設防,但結果都係「中空寶」,兩公婆都好失望,之後請教醫生嘗試計算排卵期,結果試咗1個月就「中獎」。雖然Alex已屆54,不過有心有力嘅佢就話目標要4年抱3,點知身旁嘅老婆,就話4年抱3對佢嚟講好輕鬆,因為佢目標係生夠6個,仲話要短期內超額達標,認真好生得!Alex亦透露話當老婆告知有喜嗰陣,個感覺就好似細個時,老竇送咗件佢想要好耐嘅玩具畀佢一樣。Alex話自己原本鍾意女,希望第一胎就有個家姐,如今注定要做大佬,而Ice就話雖然呢胎係馬騮仔,不過肚內BB都幾聽話,自已冇乜妊娠期嘅反應出現。

一直有keep fit嘅杜德偉,話自己要再操fit啲,努力做一個型爸。 今年3月尾,杜德偉陪當時已經有3個月身孕嘅老婆逛超市。 點睇都唔似54……

鍾意就快D Share啦!