2016年5月22日 星期日

英足盃:英足盃 紅魔打少個照贏水晶宮捧盃 __,

(GettyImages圖片)連格成為捧盃魔星!水晶宮同曼聯喺周六爭奪英足盃,雖然加時上半場紅魔有基斯史摩寧被逐,但係多得連格做救世主,射入致勝1球,最後紅魔以2比1反勝水晶宮,第12次捧起英足盃!雙方今場鬥得勢均力敵,水軍前鋒賓安捷換入卡比耶之後即刻做到嘢,78分鐘開完角球畀對方頂出,隊友一腳吊番畀佢,佢喺禁區內一控發力狂抽,就算迪基亞封咗位都嚟唔切反應!可惜,水晶宮領先優勢只係維持咗3分鐘,紅 ...


(Getty Images圖片)

連格成為捧盃魔星!水晶宮同曼聯喺周六爭奪英足盃,雖然加時上半場紅魔有基斯史摩寧被逐,但係多得連格做救世主,射入致勝1球,最後紅魔以2比1反勝水晶宮,第12次捧起英足盃!

雙方今場鬥得勢均力敵,水軍前鋒賓安捷換入卡比耶之後即刻做到嘢,78分鐘開完角球畀對方頂出,隊友一腳吊番畀佢,佢喺禁區內一控發力狂抽,就算迪基亞封咗位都嚟唔切反應!

可惜,水晶宮領先優勢只係維持咗3分鐘,紅魔中場桑馬達接受費蘭尼二傳,近門一抽,右閘祖爾禾特擋到都要入。雙方都無法再添紀錄,要喺加時分勝負。

加時上半場局勢冇乜大變,但係基斯史摩寧喺完半場前攞到佢第2張黃牌,畀卡頓保趕咗出場。不過,紅魔打少個反而有斬獲,加時下半場由後備入替嘅連格,喺禁區內一腳窩利射埋死角,為曼聯奠定勝局。

即刻去東網足球facebook SO東波睇連格世界波同捧盃片

SO東波link

http://on.fb.me/1PWMCFH 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...