杜德偉都忍唔住話自己勁呀！
歌手杜德偉於社交網攬實老婆宣布做爸爸，杜德偉接受《東網》電話訪問時，更宣布一索得男的喜訊，透露太太預產期是10月，他在電話中笑不停：「BB係香港製造，其實三年前結婚後，我哋冇諗過生BB，因為覺得世界好亂、經濟又唔好，所以只想過二人世界，但係好多朋友，包括傳媒都叫我哋生BB，所以喺去年年中開始試吓，但一直都冇好消息，太太買咗好多驗孕棒，但次次都係冇，嗰時我就知原來我哋係期望生BB嘅，所以我哋請教家庭醫生，佢教我哋用排卵期嘅方法去試，後尾太太用咗十幾支驗孕棒去Check，支支都話佢有咗，我哋再睇醫生，證實真係有咗BB，真係好開心。」談及一索得男好厲害？他也哈哈：「都估唔到我咁勁，咁叻仔，係仔嚟㗎，真係光宗耀祖。」
瞞埋外父外母
杜德偉又說雖然思想西化，但知道懷孕未夠三個月不可外洩，故連外父、外母都會隱瞞，他說：「啱啱知有咗BB時，唔可以講出嚟，但我同太太同長輩講咗會去韓國，但如果突然唔去就穿煲，所以我哋照去，之後再去多轉馬爾代夫，我想太太生BB前，可以輕鬆吓。」
來源 source: http://hk.on.cc
|
鍾意就快D Share啦！
|
|
|
