2016年5月22日 星期日

《勁歌》新環節?主持羅鈞滿為醉駕道歉 __,羅鈞滿,

羅鈞滿喺節目中就醉駕事件向觀眾道歉。藝員羅鈞滿為節目《2016勁歌金曲優秀選第一回》做主持,期間節目安排時間供他就醉駕事件向觀眾道歉,他在台上表示:「今日收到稿知有呢Part,估唔到《勁歌》咁錫我,知道自己的確做咗一件好錯嘅事,好多謝公司畀機會我。」尋日先睇稿事後羅鈞滿接受訪問表示:「今日先收到稿,冇諗到《勁曲》頒獎咁緊要時間可以畀我講吓感受。(尋晚先知有主持工作?)一早就知,稿就尋日先知。(拍劇 ...


羅鈞滿喺節目中就醉駕事件向觀眾道歉。

藝員羅鈞滿為節目《2016勁歌金曲優秀選第一回》做主持,期間節目安排時間供他就醉駕事件向觀眾道歉,他在台上表示:「今日收到稿知有呢Part,估唔到《勁歌》咁錫我,知道自己的確做咗一件好錯嘅事,好多謝公司畀機會我。」

尋日先睇稿

事後羅鈞滿接受訪問表示:「今日先收到稿,冇諗到《勁曲》頒獎咁緊要時間可以畀我講吓感受。(尋晚先知有主持工作?)一早就知,稿就尋日先知。(拍劇抽起晒?)係嘅,《勁歌》好錫我,啲同事好錫我。(樂小姐搵你傾偈?)不嬲同公司有接觸,亦都同公司交代晒成件事始末。(合約仲有幾耐?)仲有一段時間。」

最擔心影響屋企人

羅鈞滿醉駕將於六月二十七日獲裁決,裁判官指羅鈞滿超標三倍,根據案例「坐得監」,問到會否擔心入獄?他說:「作為成年人,自己做錯事會接法律嘅裁決,最擔心係影響屋企人,作為仔女唔想屋企人擔心,自己係做得差,諗起一句說話『養兒一百歲,長憂九十九』腦裏面都成日諗起『樹欲靜而風不息,子欲養而親不在』。兩老年紀大,自己做錯事佢哋都擔心,今次教訓一次就夠,提醒自己行條啱嘅路。(喺音樂節目道歉會好騎呢?)呢樣唔評論喇,係製作上面嘅決定,作為團隊一員只係盡力做好,工作上自己一直都好努力,從來都唔推通告。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...