掃呢頁CODE去手機

2016年5月23日 星期一

【筍盤又少一個】何猷啟認發展中 與外籍索女嘟嘴晒恩愛 __,猷啟,何猷啟,

揀「城中筍盤」識睇一定係「package」咁睇……就知佢有幾吸引,何家公子猷啟夠高大,外形爸爸賭王嘅影子,被封為城中筍盤,個package都唔錯嘅,早前佢先話自己單身,又謙虛話自己未夠班做筍盤,仲話揀女友要睇內在,合眼緣好緊要,如果真係有女朋友,佢一定會公開(新聞連結:http://bit.ly/1WJGOFC)。猷啟凌晨喺Instagram貼出一張同外籍長髮索女AngelikaNikolaeva ...




其他影片:>>






揀「城中筍盤」識睇一定係「package」咁睇……就知佢有幾吸引,何家公子猷啟夠高大,外形爸爸賭王嘅影子,被封為城中筍盤,個package都唔錯嘅,早前佢先話自己單身,又謙虛話自己未夠班做筍盤,仲話揀女友要睇內在,合眼緣好緊要,如果真係有女朋友,佢一定會公開(新聞連結: http://bit.ly/1WJGOFC )。猷啟凌晨喺Instagram貼出一張同外籍長髮索女Angelika Nikolaeva嘅合照,留言:「Guess where am I.」相中所見,二人頭貼頭,長髮索女向猷啟嘟晒嘴,大晒恩愛咁款。唔通係公佈戀情……睇番個長髮索女不時喺Ig晒身材,早前仲同猷啟生日trip都有同呢位長髮索女及一班友人出海。猷啟回覆《蘋果》本來只係認長髮索女係「朋友」,不過後嚟改口風,中午以WhatsApp回應:「Well still developing la,so i don't want to make anything public lor, hope u can understand la.」佢強調二人係發展中,唔想所有嘢都公開,希望大家理解。此外,早前「520」,猷啟貼出同家姐超雲及超蓮嘅合照,寫道:「520快樂…希望你們能够盡快找到自己的另一半…下一年不是跟我拍照了…」似乎自己有著落都想超雲及超蓮快啲搵到男友仔。

猷啟中午以WhatsApp回應,承認二人發展中。 猷啟同女友去蒲。資料圖片
佢哋仲孖住現身友人搞嘅活動。資料圖片 二人仲一齊去旅行。資料圖片

鍾意就快D Share啦!