2016年6月30日 星期四

【慳番$320】恤髮差啲食牛肉乾 栢芝褸住飛髮袍衝出門求情! __,栢芝,張栢芝,

正所謂「日防夜防,家賊難防」,前日張栢芝就發現佢約滿嘅印傭,偷咗佢嘅珠寶首飾、名牌手袋同鞋,合共16件物件,價值共46萬元。噚日印傭被控一項盜竊罪,暫時毋須答辯,還押下月待審。(新聞連結:http://bit.ly/294Tm6a)雖然發生家盜事件,但就完全冇損栢芝嘅心情,佢噚日就去咗恤番個靚髮。下晝4點幾,栢芝現身上環荷里活道一間蚊型地舖髮型屋,可能地點方便到佢泊車,所以就吸引咗栢芝去光顧,而栢 ...




其他影片:>>






正所謂「日防夜防,家賊難防」,前日張栢芝就發現佢約滿嘅印傭,偷咗佢嘅珠寶首飾、名牌手袋同鞋,合共16件物件,價值共46萬元。噚日印傭被控一項盜竊罪,暫時毋須答辯,還押下月待審。(新聞連結:http://bit.ly/294Tm6a)雖然發生家盜事件,但就完全冇損栢芝嘅心情,佢噚日就去咗恤番個靚髮。下晝4點幾,栢芝現身上環荷里活道一間蚊型地舖髮型屋,可能地點方便到佢泊車,所以就吸引咗栢芝去光顧,而栢芝所駕駛嘅Range Rover越野車,好揚眼咁泊咗喺髮型屋門外,而栢芝就貪方便昅實架車,就揀咗髮型屋最近門口嘅位置坐,雖然個位好容易被發現,但係栢芝毫不介意,亦唔理會街外人目光。係洗、剪、吹嘅過程中,栢芝全程手機不離手,又按又講,期間個髮型師要應付其他嘅客人,栢芝就索性起身走到其他客人身邊撩人傾偈,所謂呃水吹。見到栢芝走到其中一位女士身邊傾偈,栢芝滔滔不絕之餘,同時摸着自己嘅頭髮,估計佢哋係研究緊髮質嘅問題,栢芝又伸手捽對方頭髮,禮貌嘅客人冇特別抗拒栢芝嘅動作,雖然栢芝搵到人陪佢吹水,但佢都冇忘記佢手機,不時望着電話。傾完計後,栢芝坐番埋位冇耐,最唔想出現嘅事情就發生喇,就係警察抄牌,呢刻慳儉嘅栢芝擔心俾人抄牌,於是唔理三七廿一,騎騎呢呢咁連人帶飛髮袍衝出門口,同差人打交道,求「阿蛇」俾次機會:「唔好意思﹗我走㗎嘞﹗」未講完就跳咗上車,之但係佢就唔係即刻開車,繼續撳手機,直至幾分鐘後,「阿蛇」忍唔住再趕佢走,栢芝先至無奈開車離去。大概20分鐘後,栢芝就將車泊咗喺隔離街嘅一間餅店門外,除咗件飛髮袍落車喺餅店買蛋糕,買完蛋糕當然要相機食先啦,栢芝自拍完,髮型師亦都跑到去餅店前會合栢芝,攞番件袍。還番嘢俾人,栢芝就好安心咁離開喇,見到有記者影相,雖然表現有啲愕然,但都好有禮貌咁同記者say hi ,真係「Just to say」咋,然後就駕車離開。

栢芝去上環一間地舖剪頭髮,泊咗架戰車係髮型屋門外,有警察趕車,佢就着住件泡出去攞車。(採訪、攝影:徐錦池、吳耀輝) 栢芝邊剪髮邊撳電話。
期間佢悶到要搵其他客吹水。 唔想被抄牌嘅栢芝,唔理三七廿一,着住件袍就走出去攞車。 差人叔叔放生唔抄佢牌,栢芝都好識做即刻揸車走人。
買完蛋糕就影番張合照先。 離開餅店,見到記者有啲愕然喎! 栢芝好有禮貌咁同記者say hi。
買完蛋糕就等髮型師嚟攞番件袍。

鍾意就快D Share啦!
Related Posts Plugin for WordPress, Blogger...