掃呢頁CODE去手機

2016年6月30日 星期四

大熱港姐 Peggy搶人夫 賤招寸大婆: loser智商低! [壹週刊 - 1373] __,Peggy,港姐,丘雅雯,M1,

23歲的丘雅雯Peggy自信十足,不時在ig上載姣甫泳照,天使面孔原來是蛇蠍心腸。探熱針大熱港姐Peggy搶人夫 賤招寸大婆:loser智商低!近年小三好霸道,大條道理破壞別人家庭,面不改容!今屆港姐,亦有小三入侵,同樣係又狠又囂!因麥明詩十優之名,今年的候選佳麗多了劍橋、牛津名校生,而報稱就讀城大、被稱「瘦白吳幸美」的23歲丘雅雯Peggy,因談吐得體,有樣有身材,火速被捧成大熱。清純背後,本刊 ...


23歲的丘雅雯 Peggy自信十足,不時在 ig上載姣甫泳照,天使面孔原來是蛇蠍心腸。

探熱針

大熱港姐 Peggy搶人夫 賤招寸大婆: loser智商低!

近年小三好霸道,大條道理破壞別人家庭,面不改容!

今屆港姐,亦有小三入侵,同樣係又狠又囂!因麥明詩十優之名,今年的候選佳麗多了劍橋、牛津名校生,而報稱就讀城大、被稱「瘦白吳幸美」的 23歲丘雅雯 Peggy,因談吐得體,有樣有身材,火速被捧成大熱。

清純背後,本刊發現 Peggy原來與人夫住埋。做小三搶人老公不特止,準港姐 Peggy仲好得戚,步步進逼在 ig向大婆挑機,寸爆對方:「人蠢無藥醫、 Loser智商低……」天使面孔內藏魔鬼毒舌,靚,又如何!

同居深井

港姐三十位入圍佳麗於上週一(六月二十七日)首次正式見人,學生兼任模特兒的 Peggy,當日以一身荷花裙現身,自信滿滿,不負眾望,成為傳媒焦點。不過,在見記者前一晚, Peggy將原本公開的 instagram戶口改為 private。早作準備保護私隱,原來身有屎。

記者發現, Peggy私藏了不少與男友的嘴嘴相,十分甜蜜,二人更同居於深井。拍拖本來好正常,只是男方已為人夫,有老婆並有個九歲女。據知, Peggy的人夫男友名郭子滔,是寶馬汽車銷售員,約四十歲,背妻與 Peggy搭上兩年。

做小三最離譜是高調,搶人老公還向大婆挑機。記者早在 Peggy未刪除的 ig發現她不時開 post,向疑似男友老婆挑釁,其中一段是咁的:「 Loser做一些智商低的事,真的蠻令人抓狂,以為可以令人生氣,惹人不滿,示威……人蠢真的無藥醫……」

Peggy與人夫阿滔搭上兩年打得火熱,兩人去到邊啜到邊,回復初戀感覺。搞到年長十七載的人夫當堂回晒春。

人夫阿滔昔日與太太、女兒的溫馨時光,如今不復再。

刪相扮冇事

另一個 post則複製網上圖片,前洗米嫂 Heidi年前已率先用過的廿四字真言,「我從來就不愛和別人爭東西,你喜歡就拿去,拿得走就拿去。」講到自己是正印,顛倒是非。

不過,處心積慮選港姐的 Peggy,日前「醒目」急刪寸嘴 post、與人夫男友的親密照,以為就此神不知鬼不覺!

「我哋真係睇唔過眼!嗰時 Peggy做過一排 BMW promoter,就咁識咗阿滔! Peggy好識同異性相處,又夠風騷,每個男同事都好受落,特別係阿滔。佢哋好快就一齊, Peggy明知人哋有老婆都唔理,阿滔好似中咗降咁,甚至拍拖出席同事、朋友聚會。

「阿滔老婆都係同行,一早就收到風,見人哋正印睇住個女份上唔出聲, Peggy食住上,氹阿滔一齊住。幾個月前,阿滔執晒行李同 Peggy搬去深井,冇講清楚就拋妻棄女,但佢冇主動搞離婚,法律上同老婆仲係夫妻。」一行內人爆。

Peggy樣靚有禮,被傳媒睇高一線;可惜清純背後,卻喜在 ig炫富,與朋友晒命「月月去旅行」,及經常坐 business,攞命。

成功搶人老公的 Peggy,還要在自己 ig戶口攞彩寸男友正印,賤嘴無極限,令人眼火爆。

上週五( 24日), Peggy獨自從寓所坐巴士出外,白色連身短裙,十分養眼。

週日( 6月 26日)中午,人夫阿滔駕駛「波子」,載 Peggy由深井愛巢到尖沙咀工作,關係斷正。

大膽攬住疑似冇著衫的人夫阿滔,在 ig放閃,明挑機。

正印冇否認

記者搵到被搶老公的郭太,對於小三惡行不願多談。

撰文、攝影、攝錄:娛樂組


鍾意就快D Share啦!