盧比斯有麻煩喇！(互聯網圖片)
今屆美洲國家盃決賽，阿根廷再一次不敵智利失冠，美斯賽後喊爆仲宣布退役，可以話震撼全球！呢場波其中一個關鍵人物，肯定係巴西籍球證盧比斯，呢個光頭判官喺決賽亂咁畀牌，錯誤將馬高斯盧祖罰出場，阿根廷全國憎到佢死。幾日後阿國傳媒Noticias爆出驚天大新聞，原來盧比斯吹完決賽後，同2名妓女玩3P慶祝，大量淫片、淫照被放上網上，盧比斯呢次麻煩喇！
今年43歲嘅盧比斯，95年開始執法，冇幾耐就成為巴西一級球證，佢個大名喺南美洲球壇無人不曉。雖然係咁，但今次佢吹決賽水準就勁曳，係唔係都派牌，最後將智利馬些路戴亞斯趕出場，阿根廷後防盧祖更直接攞到紅牌。但睇番慢鏡，盧祖嗰次攔截隻腳係中波先，被趕出場勁唔抵。因為盧比斯嘅魯莽，呢場決賽變得勁沉悶，最後藍白兵團射輸12碼飲恨，搞到美斯要退出國家隊，你話阿根廷全國點會唔憎盧比斯。
可能因為咁，阿根廷傳媒要向佢報復，咁啱得咁蹺盧比斯原來係大淫蟲，佢賽後去咗夜總會，一次過搵咗2個妓女消遣；之後佢當晚嘅一系列淫片淫照，就於網上瘋傳，今次盧比斯可以話身敗名裂！
陳百祥 Vs 黃國英
今個夏日大爆足球金句！！仲有獎抽呀！
足球狂熱，席捲2016夏日。明星隊、財經名人隊喺「星級擂台」大鬥金句，每個賽日都咁好睇，今日明星隊派出陳百祥、財經名人隊由黃國英壓陣，實有精彩嘢。睇完金句，記得玩埋抽獎，豐富獎品等住你，快啲去彩報網頁 http://win.on.cc 參加喇！
獎品包括最新9.7吋平板電腦、Samsung Galaxy S7及Gear VR、雙人來回倫敦機票連住宿及波飛，好吸引呀！
推廣生意的競賽牌照號碼：047186
來源 source: http://hk.on.cc
|
鍾意就快D Share啦！
|
|
|
