掃呢頁CODE去手機

2016年6月21日 星期二

【《蘋果》獨家訪】贏在射精前 怪獸家長Irene認節目醜化:我仲有進步空間 __,蘋果,

望子成龍,望女成鳳,怪獸父母誰不想子女「贏在起跑線」,然後順利進入人生勝利組。大台噚晚首播真人騷《沒有起跑線?》,陀着第二胎B女嘅孕媽Irene,就喺產檢時衝口而出爆seed「贏在子宮裏」,之後再爆金句「贏在射精前」,被網民狠評「獸」性盡現,是極端嘅怪獸家長。據知呢個節目係今年4、5月嗰時拍,拍完仲幫到Irene個仔搵到學校。Irene噚日已喺facebook貼文解畫,為自己平反。今午《蘋果》致電 ...




其他影片:>>






望子成龍,望女成鳳,怪獸父母誰不想子女「贏在起跑線」,然後順利進入人生勝利組。大台噚晚首播真人騷《沒有起跑線?》,陀着第二胎B女嘅孕媽Irene,就喺產檢時衝口而出爆seed「贏在子宮裏」,之後再爆金句「贏在射精前」,被網民狠評「獸」性盡現,是極端嘅怪獸家長。據知呢個節目係今年4、5月嗰時拍,拍完仲幫到Irene個仔搵到學校。Irene噚日已喺facebook貼文解畫,為自己平反。今午《蘋果》致電Irene,EQ甚高的她再三澄清自己唔係怪獸家長,不過節目噚晚出咗街,真係惹起爭議。Irene話:「節目出街,我睇咗啲留言,反思咗好多,我做父母係仲有進步空間。」Irene指幕前嘅怪獸行為,只係想做反面教材:「呢個係社會現象,係教育衍生出嚟。如果有足夠學位,我哋落街就可為子女報學校,小朋友有學返,就唔會咁緊張。」問她可覺得節目經過剪輯後令其被醜化?Irene就稱:「有嘅…不過咁先帶出節目效果。」Irene都有留意身邊怪獸家長,佢話自己今次喺節目咁激進,只係想帶出話題,等大家反思關注,佢話:「所以我先有浮誇表情,其實怪獸家長係一早存在,以前係喺九龍塘,但依家區區都有,希望政府關注。」對於網民狂轟Irene唔錫囝囝,佢澄清:「我想講我真係好錫我個仔,唔想佢做扯線公仔。佢歲半去健康院檢查,發現患有大肌肉發展遲緩,需要做多啲運動,我成日喺屋企同佢踩單車同運動,有訓練佢,幫佢康復,亦因為咁去參加咗一啲playgroup,上咗十堂,醫生話對佢好有幫助。如果我係怪獸家長,就一星期七日唔畀佢休息,我係自己耐心教佢。網友睇少少就批評,對我唔公平。」至於會否反擊網民?Irene就稱冇回應,並強調:「我自己知道我好錫個仔,我個仔好精靈,我仲想平安生埋囡囡,我老公都好錫我,網友唔好再詛咒我全家。有啲為人父母,用惡毒言論人生攻擊我,佢哋品德都有問題,唔係要畀子女好榜樣㗎!」


鍾意就快D Share啦!