掃呢頁CODE去手機

2016年6月26日 星期日

黎明力捧神秘JC 網民大讚巨肺兼唱功勁 __,JC,黎明,Jessica C,

計埋JC,黎明已經同「第五J」合作啦~「金句王」黎明(Leon)既係樂壇天王,又係新一代網絡紅人,見佢玩FACEBOOK玩到出神入化就知啦!Leon繼早前喺網上拍片捧紅「明福俠」,最近做番佢老本行,捧自己公司新人JC。無錯,對J字頭情有獨鍾嘅Leon,旗下藝人曾有Janice(衛蘭)、Jill(衛詩)、JW(王灝兒)及JaniceMan(文詠珊),近日又有新「J女郎」JC!新MV唔出樣都大獲好評而 ...


計埋JC,黎明已經同「第五J」合作啦~「金句王」黎明(Leon)既係樂壇天王,又係新一代網絡紅人,見佢玩FACEBOOK玩到出神入化就知Leon繼早前喺網上拍片捧紅「明福俠」,最近做番佢老本行,捧自己公司新人JC。無錯,對J字頭情有獨鍾嘅Leon,旗下藝人曾有Janice(衛蘭)、Jill(衛詩)、JW(王灝兒)及JaniceMan(文詠珊),近日又有新「J女郎」JC!新MV唔出樣都大獲好評而 ...


計埋JC,黎明已經同「第五J」合作啦~

「金句王」黎明(Leon)既係樂壇天王,又係新一代網絡紅人,見佢玩FACEBOOK玩到出神入化就知Leon繼早前喺網上拍片捧紅「明福俠」,最近做番佢老本行,捧自己公司新人JC。無錯,對J字頭情有獨鍾嘅Leon,旗下藝人曾有Janice(衛蘭)、Jill(衛詩)、JW(王灝兒)及Janice Man(文詠珊),近日又有新「J女郎」JC!

新MV唔出樣都大獲好評

而呢位新「J女郎」相當神秘,近日推出首支派台歌《說散就散》MV時只出聲、唔出樣,不過就好似周星馳嘅戲有段對白咁講:「好似你啲咁出色嘅男人,無論喺咩地方,都好似漆黑中嘅螢火蟲一樣,咁鮮明,咁出眾!」,所以JC即使只係出把靚聲,已經引起網民熱烈討論兼好評,MV仲吸引逾5萬網上點擊率添!

說故事的聲音

究竟新「J女郎」有咩咁厲害,唔使出動靚樣或者性感水着照都成功「吸LIKE」?原來只得18歲嘅JC,年紀輕輕已經唱功了得,唔少網友力讚佢有把「說故事的聲音」,即係唱得動人、入心入肺咁勁,難怪聽佢唱第一句已經好震撼,仲話其唱腔似足兩個唱得之人-美國樂壇天后Alicia Keys同內地唱作女歌手曲婉婷。

有望做下個「巨肺小天后」

令網友讚不絕口嘅JC,雖然都有個小巨肺,但就冇學「大巨肺」G.E.M.(鄧紫棋)咁「喪叫」,唔少網友仲將佢哋比較,指JC冇「喪叫」唱腔聽落順耳得多,而且感情豐富,睇好佢做下一個「巨肺小天后」,有能力同G.E.M.一較高下咁話,睇嚟G.E.M.都要打醒十二分精神

網友擔心星途

不過,有網友好擔心JC嘅星途,點解咁講?咪就係Leon雖然有善於發掘人才,但旗下藝人都好似「中魔咒」星途麻麻,所以咪驚JC都有「同一命運」囉!但JC咁深得網友心,相信有網絡力量嘅加持下,星途應該唔錯就真!

網民有話兒:

羅XX雲:好有當年介紹衛蘭時一樣,都係唔見樣,要我哋專心聽佢歌聲先。

KasXXXLee:JC把聲真係有Alicia Keys嘅Feel!

VanesXXXX:一把說故事的歌聲,JC先得18歲已經有,不得了!

JollLXXEE:不嬲聽G.E.M.嘅歌都唔會有種被感動嘅感覺,只覺得唱功幾好咁,但聽JC唱第一句已經好震撼,睇嚟G.E.M.要小心,出現勁敵

MOMOXXX:聽第一句已經好驚豔,佢先得18歲?把聲好成熟,完全係老江湖。


來源 source: http://hk.on.cc
鍾意就快D Share啦!