睡婆婆左肩脫骹仍然留醫，並表示退休。(李子強攝)
守住母親報檔逾半世紀的「睡婆婆」退休了。「睡婆婆」陳復興(76歲)，前日走路時不慎叉錯腳，跌落坑渠導致左肩甩骹，需要入院治療。現於伊利沙伯醫院矯型及創傷外科留醫。今日中午，婆婆臥在病榻上表示，「一隻手跌傷，得番一隻手做嘢，做唔到喇，我會同阿媽講，自己年紀大，守唔住喇，正式退休，正式結業喇，會將個牌畀返政府。」
婆婆續稱，甩骹的左肩已經照過X光，但醫生沒有告知她是否出現骨裂，她也不知道何時痊癒，何時可以出院。對於日後生活，婆婆表示拒絕入住安老院，「最好住公屋，但自己已無能力照顧自已，最終都要睇社工的安排。」
昨日入院後，「睡婆婆」已第一時間叫行家通知發行商，今日不訂報紙，無奈仍有數十分報紙送到報檔。不少市民一如既往而到報檔買報紙，他們不見婆婆在場，只好「自助式」購報，將輔幣放在膠櫈上，然後取走報紙。
有熱心報販發現後，將報紙帶到自己的報檔代售。他指，「收咗報紙就要畀錢，唔賣點有錢畀發行商，所以幫婆婆售賣。」當他聽到婆婆退休的消息亦感安慰，並指「佢固執、古板，一早應該唔做，享福喇！」
今日中午12時許，「睡婆婆」報檔附近鎖匙舖老闆娘余女士，帶備食物到醫院探望「睡婆婆」，她雖然不太精神，但說話對答如流，惟未見婆婆的女兒探望她。「睡婆婆」護女心切稱：「個女唔得閒嚟，唔好叫佢嚟見我。」
來源 source: http://hk.on.cc
|
鍾意就快D Share啦！
|
|
|
