2016年7月3日 星期日

歐國盃:歐國盃 射贏12碼 德國破咒闖4強 __,

德國破咒闖4強!近年喺國際大賽淘汰賽畀意大利恰死嘅「日耳曼兵團」,今晨喺歐國盃8強戰終於打破魔咒擊敗「藍衫軍團」。德國喺法定時間同意大利打和1比1,加時戰雙方互無紀錄,互射12碼階段雙方前3輪各有3人射失,突然死亡射到第4輪,意大利有達美安主射被紐亞救出,德國靠祖拿斯赫達射入,總比數以6比5淘汰意大利,殺入4強,晉級後將會與法國對冰島嘅勝方爭入決賽。兩軍上半場踢得非常謹慎,改打三中堅嘅德國,面對喺 ...


德國破咒闖4強!近年喺國際大賽淘汰賽畀意大利恰死嘅「日耳曼兵團」,今晨喺歐國盃8強戰終於打破魔咒擊敗「藍衫軍團」。德國喺法定時間同意大利打和1比1,加時戰雙方互無紀錄,互射12碼階段雙方前3輪各有3人射失,突然死亡射到第4輪,意大利有達美安主射被紐亞救出,德國靠祖拿斯赫達射入,總比數以6比5淘汰意大利,殺入4強,晉級後將會與法國對冰島嘅勝方爭入決賽。

兩軍上半場踢得非常謹慎,改打三中堅嘅德國,面對喺前場已經開始緊逼嘅意軍,未有之前幾場嘅從容,而意軍嘅突擊,相對亦未及之前銳利。開賽14分鐘,意大利中場費奧倫斯喺禁區左路施射,但力度欠奉被德國門神紐亞沒收,而德國喺1分鐘後就有基迪拉傷出,要由「小豬」舒韋恩史迪加入替。「日耳曼兵團」喺26分鐘曾有「小豬」近門頂入但被指犯規在先,入球無效。末段湯馬士梅拿近射無力被意大利門神保方接實,意軍則有史杜拿路後上撞射僅被謝路美保定閂出底線,半場雙方互無紀錄!

換邊後德國形勢略為佔優,先有湯馬士梅拿喺54分鐘禁區邊熨射遠柱死角,僅被回防護空門嘅費奧倫斯以「虎尾腳」踢出底線。65分鐘,德國翼衛祖拿斯赫達接應馬里奧高美斯妙傳左路底線傳中,奧斯爾近門撞射入網,助德國領先1比0。3分鐘後,馬里奧高美斯接應奧斯爾妙傳,突破越位近門「後腳」施射,竟被保方神救化解。

德國之後有馬里奧高美斯傷出,由達斯拿入替。戰至77分鐘,德國守將謝路美保定一次禁區內爭頂犯下手球,球證直指12碼,意大利由邦路斯操刀一射中鵠,助球隊追和1比1,並將比賽帶入加時。

加時上半場雙方加強防守,到肉進攻唔多。反而換邊後冇耐,德國有達斯拿門前倒掛僅僅射高。最後雙方互無紀錄,維持1比1,比賽要靠互射12碼分勝負,最後意大利喺9輪內共有4人射失,而德國則有3人宴客,德國得以殺退剋星意大利,勇闖4強!

任達華 Vs 黃國英

今個夏日大爆足球金句!!仲有獎抽呀!

足球狂熱,席捲2016夏日。明星隊、財經名人隊喺「星級擂台」大鬥金句,每個賽日都咁好睇,今日明星隊派出任達華、財經名人隊由黃國英壓陣,實有精彩嘢。睇完金句,記得玩埋抽獎,豐富獎品等住你,快啲去彩報網頁 http://win.on.cc 參加喇!

獎品包括最新9.7吋平板電腦、Samsung Galaxy S7及Gear VR、雙人來回倫敦機票連住宿及波飛,好吸引呀!

推廣生意的競賽牌照號碼:047186


來源 source: http://hk.on.cc
鍾意就快D Share啦!
Related Posts Plugin for WordPress, Blogger...