28歲嘅2010年港姐冠軍陳庭欣，入行以來緋聞並唔係咁多，佢曾經同「5億女婿」黎諾懿傳緋聞之外，就係同2010年嘅香港先生翟威廉傳地下情。話說佢哋當選後，都加入咗大台，1年後佢哋就開始發展地下情喇！前年仲有報道爆佢哋已經去到半同居關係，話庭欣久唔久就會去翟威廉嘅星河明居過夜。佢哋嘅情侶關係，係圈中都已經係一個公開嘅秘密！正等待佢哋正式公開情侶關係之際，今年3月，就有報道話陳庭欣背住翟威廉偷㗳夏文汐嘅有米大狀表弟唐偉倫(Warren)，報道係咁講嘅，話Warren趁模特兒女友Candice去台灣做嘢嘅時候，就約咗庭欣去數碼港睇戲，睇完戲仲有下文，返咗碧瑤灣宿一宵添(新聞連結：http://bit.ly/29o0ihN )，就係咁庭欣同翟威廉嘅地下情玩完喇！但上月佢哋又合體約埋兩對情侶林師傑、歐陽巧瑩同麥秋成同蔡思貝，去心燒飯堂食飯，睇落佢哋好似復合。但其實庭欣只係騎牛搵馬，近年仲成日去啲名人飯局，就係咁，俾佢識到Warren，有報道嘅知情人士仲講到，陳庭欣恃住翟威廉對佢知心一片同專一，除咗要佢隨傳隨到，仲成日對佢呼呼喝喝，庭欣仲會覺得自己做錯乜嘢，男友都會原諒。
來源 source: http://hk.apple.nextmedia.com
|
鍾意就快D Share啦！
|
|
|
