掃呢頁CODE去手機

2016年7月17日 星期日

切紅棗切親手 沈卓盈捱足三針兼要縫針 __,沈卓盈,

沈卓盈真係論盡豬。呢排真係多藝人受傷,仲要差唔多都係女藝人添。繼容易受傷嘅Coffee(林芊妤)之後,藝人沈卓盈喺微博自爆唔小心,畀刀切親隻手,血流如注嘅佢即刻去求醫。素顏上陣嘅沈卓盈,戴晒口罩同帽,仲好淡定咁喺求醫期間把握時間自拍「直擊」情況。縫咗足足三針嘅沈卓盈,食指包到成隻糭咁,佢事後留言話:「唔小心被刀切親,結果聯咗3針,好痛好痛~要好好休息同要介(戒)口了 Ps.辛苦今日嘅謢士姐姐同醫生 ...


沈卓盈真係論盡豬。

呢排真係多藝人受傷,仲要差唔多都係女藝人添。繼容易受傷嘅Coffee(林芊妤)之後,

藝人沈卓盈喺微博自爆唔小心,畀刀切親隻手,血流如注嘅佢即刻去求醫。素顏上陣嘅沈卓盈,戴晒口罩同帽,仲好淡定咁喺求醫期間把握時間自拍「直擊」情況。

縫咗足足三針嘅沈卓盈,食指包到成隻糭咁,佢事後留言話:「唔小心被刀切親,結果聯咗3針,好痛好痛~要好好休息同要介(戒)口了 Ps.辛苦今日嘅謢士姐姐同醫生#醫生唔聯針得唔得#好痛#以後切嘢要小心#乖乖介(戒)口#快d(啲)好。」

飲番茄汁補血?

事後沈卓盈接受《東網》電話訪問時表示,透露今日下午煲湯嗰陣切紅棗時,唔小心整到:「我用把生果刀批紅棗嗰陣,唔小心跣一跣,切到左手手指,流咗好多血,見到都有啲暈。」佢仲自爆縫針之前要捱成三支針咁多:「醫生建議我聯針,幫我打咗兩支麻醉針同一支破傷風針。(有無飲紅棗水補血?)我掉晒啲紅棗啦,但我都有飲番支番茄汁,依家都有少少陰影。」沈卓盈話原定聽日要出席無綫《萬千星輝放暑假》活動,但因為手指傷咗,所以要請假去唔到。


來源 source: http://hk.on.cc
鍾意就快D Share啦!