掃呢頁CODE去手機

2016年7月17日 星期日

【「我得一個周太」】復合咗?洗米華同Heidi合體送阿女機 __,洗米華,李靜儀,Heidi,周焯華,

人生同賭錢一樣,未到最後,都未知邊個先係贏家!澳門賭業猛人周焯華(洗米華)上個月出席朋友生日飯局,期間洗米華深情攬實「洗米嫂」陳慧玲(Heidi)高唱《愛我別走》,仲當眾許下承諾:「我只得一個周太!」即場搞喊Heidi。其實洗米華未現身澳門,之前就keep住喺倫敦,盛傳佢陪MandyLieu待產,點知轉過頭佢就閃返去澳門,向正印Heidi交人。幾時都話,三個人峰迴路轉嘅關係,真係好睇過大台劇多多聲 ...


人生同賭錢一樣,未到最後,都未知邊個先係贏家!澳門賭業猛人周焯華(洗米華)上個月出席朋友生日飯局,期間洗米華深情攬實「洗米嫂」陳慧玲(Heidi)高唱《愛我別走》,仲當眾許下承諾:「我只得一個周太!」即場搞喊Heidi。其實洗米華未現身澳門,之前就keep住喺倫敦,盛傳佢陪Mandy Lieu待產,點知轉過頭佢就閃返去澳門,向正印Heidi交人。幾時都話,三個人峰迴路轉嘅關係,真係好睇過大台劇多多聲!(新聞連結:http://bit.ly/29MLAiM )上次情深攬完Heidi,今日洗米華再同Heidi合體。今朝約10點,例牌一身黑衫黑褲嘅洗米華就同Heidi一齊,現身機場,送準備參加學校遊學團嘅大女周梓潼機。現場所見,戴住黑超嘅Heidi,着住露肩裇衫加熱褲,一臉神采飛揚,一路目送大女入閘時,不斷同工人抱住嘅細女講:「同家姐講bye bye」反觀一直跟喺Heidi身後嘅洗米華,當見到記者鏡頭時,即刻迴避調轉頭消失人群中。送完大女機,Heidi就同細女行去機場富豪酒店方向。記者問佢係咪同洗米華已經復合?Heidi冇正面回答,只係笑一笑話:「周生頭先都喺度o架!」然後逕自行入酒店內!唔知呢個係咪就係「勝利嘅笑容」呢呵!

洗米華同Heidi保持一段距離。 Heidi好開心。
Heidi係唔係最後贏家呢? 之前就攬實Heidi。
大家都明

鍾意就快D Share啦!