JC出嚟喇！
「估得到就唔係黎明」黎明今次喺澳門新濠影滙綜藝館舉行嘅演唱會，其中一個亮點當然係佢力捧嘅新人JC出場而黎明就用咗一個好特別嘅方法介紹呢位「明女郎」出場，黎明話：「喺台上有時可以好多嘢講，有時可以冇乜嘢講。如果升降台可以自己控制番更好，有時啲情況唔同嘅，正如你去食嘢，一個廚師可以突然煮啲甜品畀你食，亦都有啲情況你搭飛機降落唔到，原來可能係啲機師訓練緊啲新手，所以會又升又降，耳仔會又脹又唔脹咁。今日係暑假第一日，有個啱啱18歲女仔考完試出嚟，佢叫JC，佢會唱首歌，大家唔使畀掌聲佢，因為佢冇乜經驗。」
「可能一分鐘輸贏好重要 但記住唔好氣餒」
之後JC由台邊步出，與黎明擦身而過時，黎明更向她點點頭以示鼓勵。跟住JC獻唱《說散就散》，雖然JC今次真人現身，但佢因為戴咗帽同着咗件工人褲，搞到個樣同埋美好身材都全線「失蹤」。不過由於JC聲線甜美、極有磁性，所以佢唱完之後，全場觀眾都有報以熱烈掌聲。之後黎明再出場，但就冇特別Comment JC，但就兜咗個圈叫JC加油。佢話：「雖然暑假到咗，知道好多人出咗嚟做嘢，但都好多啱啱考完試出嚟，係社會下一個世代，向前衝嘅一班年青人。可能一分鐘輸贏好重要...但記住唔好氣餒。」台下即時掌聲雷動，之後黎明再說：「因為我都係冇氣餒咁行過嚟。」
來源 source: http://hk.on.cc
|
鍾意就快D Share啦！
|
|
|
