趙家公子風流帳多，攪到元配何琍琍跟二奶譚玉梅(Mary)及秘密情婦程秀麗糾纏多年，三女侍一夫，左右逢源嘅男係咪Happy多過煩爆，只有佢先知。但元配何琍琍同高調曬愛嘅譚玉梅不時隔空互片，就一度成ball場熱話。94年趙世光纏上來自黑龍江嘅譚玉梅後，從此難甩身。多年來呢位阿二不停向元配何琍琍挑機，除跟趙世光多番被影到出雙入對，最令大婆難堪是譚常以趙世光紅顏身份高調現身ball場。對付二奶，大婆最好招數就係誓保守趙太名份，令譚玉梅十幾年來都無法坐正，何琍琍曾經公開講譚玉梅係阿二，厚顏的譚即回應一句：「香港都有好多二奶！」擺明唔怕大婆趕狐。咁又係，十幾年來譚玉梅在趙世光身上攞唔少嘢，前後共炒十二間豪宅，交易涉過億金額，自己又被安排住三千呎的地利根德閣豪宅，要她知難而退，邊有咁易！唔想眼火爆嘅大婆何琍琍，之後唯有採取避走上海政策，實行冇眼屎乾淨盲。在上海發展飲食王國的何琍琍，亦對老公風流帳選擇放下態度，唔再跟阿二硬撼，她說：「做大婆要有器量，唔通撼頭埋牆。佢好怕我提出離婚，不過要離婚早就離咗」至於趙世光亦識分庄閒，逢大時大節及公開活動，身邊永遠是元配何琍琍。直至04年，趙世光中風致行動不便，大婆同二奶終分出勝負。生活需由老婆打點照顧的趙世光，財政大權落在何琍琍手，招積譚玉梅最終亦要敗走，大婆二奶的１0年之戰正式劃上句號。
|
鍾意就快D Share啦！
|
|
|
