蘇玉華同有「劇團王子」之稱嘅潘燦良拍拖20年，雖然一直有傳佢哋結婚，但係又唔見佢哋有乜嘢實質行動，不過一紙婚書又唔係代表啲乜嘢，兩個人係相愛，自然可以好sweet咁行落去。前日喺又一城見到呢對感覺極「老夫老妻」嘅蘇玉華同潘燦良拍拖，同行仲有一個男友人。當時咁啱係晚飯時間，佢哋喺一間餐廳排隊，等等吓潘燦良叫蘇玉華行去買嘢先，等佢同埋男友人企喺度等。大約過咗15分鐘左右終於有位，潘燦良先打電話叫女友返嚟，真係體貼都暈。佢哋三個人喺餐廳邊食邊傾，蘇玉華似乎食得好健康，主要以沙律為主，唔知係咪佢keep fit之道，佢哋仲好似有好多話題，唔覺唔覺傾咗成粒鐘，蘇玉華同潘燦良齊齊行去埋單，臨走前仲買咗啲麵包同蛋糕先至走人。成件事最吸睛嘅，除咗係潘燦良嗰種細心之外，查實蘇玉華嘅素顏都好得。數吓手指，蘇玉華都已經有48歲，不過佢真係keep得好好，戴住cap帽兼素顏打扮，睇落都好pure。
| 採訪、攝影：徐錦池 |  等等吓潘燦良叫蘇玉華行去買嘢先，等佢同埋男友人企喺度等。 |  大約過咗15分鐘左右，蘇玉華都買完嘢喇。 |
 終於有位，潘燦良先打電話叫女友返嚟，真係體貼都暈。 |  蘇玉華皮膚真係白到反光 |  即使兩個大男人行先，男友亦絕無冷落身後嘅蘇玉華。 |
 |
來源 source: http://hk.apple.nextmedia.com
|
鍾意就快D Share啦！
|
|
|
