林心如同霍建華，又係另一對恩愛到爆嘅娛圈夫婦。
台灣藝人林心如同霍建華今日喺峇里結婚，而原定今晚六點舉行婚宴嘅一對新人，到依家都未有聲氣，但係佢哋就率先喺網上發放超唯美婚照，而且張張相都唔同造型咁滯。而根據官方發布嘅資料，每張相都附有肉麻到極嘅愛的宣言，包括：「今天你和我來到這裏，走進了生命中美好的時刻，彼此成為生命裏最重要的一部分...我從不會輕易許下任何諾言，也不曾為一個人如此心醉，希望你明白，我就在你身旁，無論你要去多遠的地方。」嗰種恩愛同肉麻法，真係令人葡萄到一個點。
不過有樣嘢好妙嘅，就係之前盛傳大肚嘅林心如，喺啲婚紗相入面，全程用手遮肚，一係就唔見肚，加上今日下晝佢由爸爸拖住進場嘅時候，個肚仔位置明顯隆起，令人更加覺得佢真係有咗。
來源 source: http://hk.on.cc
|
鍾意就快D Share啦！
|
|
|
