2016年10月12日 星期三

【獨家】「雙十」公假入南生圍塞到爆 58歲苗僑偉臨時指揮交通 超型! __,苗僑偉,

【獨家】「雙十」公假入南生圍塞到爆58歲苗僑偉臨時指揮交通超型!20,456建立時間(HKT):101200:01#video_player{width:100%;height:100%;}適中字型較大字型「型佬」呢種生物大部分時間都喺電視入面生活,就好似喺螢幕入面做開大俠又或者係「型警」嘅三哥苗僑偉,雖然佢已經五十有八,仲有2年就登「六」,但係對佢嚟講都唔係問題,次次出嚟都係一貫chok到爆,絕 ...


【獨家】「雙十」公假入南生圍塞到爆 58歲苗僑偉臨時指揮交通 超型!

20,456
建立時間 (HKT): 1012 00:01

「型佬」呢種生物大部分時間都喺電視入面生活,就好似喺螢幕入面做開大俠又或者係「型警」嘅三哥苗僑偉,雖然佢已經五十有八,仲有2年就登「六」,但係對佢嚟講都唔係問題,次次出嚟都係一貫chok到爆,絕對係「型佬」入面嘅表表者。原來「型佬」唔只剩係喺電視上睇到,佢哋仲會跳出框框喺現實見到佢,仲要同電視入面一模一樣!就好似讀者李小姐咁,噚日佢透過「爆相爆片」,分享喺南生圍親眼「捕獲」到三哥,嗰陣三哥喺度指揮交通。冇錯!係平時做開「型警」嘅三哥指揮交通,同睇電視一樣呀!話說南生圍呢個郊遊勝地,每到假日都好熱鬧,但係路面偏偏勁窄,成日都出現交通擠塞,秩序一片混亂!而噚日雙十節李小姐一家大細揸車去南生圍郊遊,因為嗰度係單程路,加上兩邊嘅行人路又有唔少路人,可以想像到情況有幾混亂。李小姐話冇耐見到一個著住白色T恤兼戴住黑超嘅男人,逐架車叫佢哋慢僈後退,當時佢都冇為意,直到佢老公話呢個係三哥苗僑偉嘅時候,佢真係好愕然。片中李小姐與同車男士當時對話如下:男:喂,苗僑偉喎!

女:邊度呀?

男:苗僑偉呀!

女:真係㗎!?好有型呀三哥!女嗰個,應該就係李小姐喇。冷靜番嘅李小姐接受《蘋果》電話訪問時話:「我開頭都唔信,之後佢行近見到呢個真係三哥,佢嘅身型真係好fit,把聲仲好溫柔,嗰陣因為有車出唔到嚟,佢就每架車幫手叫我哋退後,可能冇諗過會喺呢個情況下見到佢,所以大家都慢慢退後。」查實唔止司機愕然,連啲路人都忍唔住向後望!至於搞咗幾耐先啲車先退晒?李小姐話:「我諗有10分鐘到,我架車後尾泊左埋一邊,就冇再睇到佢行咗幾遠。」

(相片由讀者李小姐提供) 三哥呢日跳出框框,喺南生圍現身(相片由讀者李小姐提供) 三哥由遠至近行埋嚟(相片由讀者李小姐提供)
仲指揮大家向後駛(相片由讀者李小姐提供) (相片由讀者李小姐提供) 三哥越行越遠(相片由讀者李小姐提供)
(相片由讀者李小姐提供) 平時喺電視入面見到三哥做警察就睇得多,圖為《學警雄心》。 《雷霆掃毒》都係做警察

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...