熱爆娛樂: 【又斷正】劉愷威第三次摸黑入王鷗間房共對三粒鐘 _

2016年11月10日星期四

【又斷正】劉愷威第三次摸黑入王鷗間房共對三粒鐘 __,劉愷威,

劉愷威背住楊冪深夜摸入大陸女星王鷗間房呢單嘢，真係相當之震撼。楊冪已表明相信丈夫，劉愷威指兩人深夜相聚只係讀劇本，今日發表律師函聲稱要追責此事。咁劉愷威同王鷗孤男寡女一間房逗留4個鐘做乜先？劉愷威嘅工作人員就話係對劇本，但已經有眼利網民發現，劉愷威走嗰陣，房內燈冇開。咁點樣對劇本呢？關於劉愷威夜會王鷗呢單嘢，原來仲有第三次斷正(第一次係成班人包括劉愷威入咗王鷗房開餐，第二次係摸黑睇劇本)，第三次呢，原來係發生喺摸黑睇劇本嘅第二日，又係晚上。第三次約會經過，次序係咁嘅，劉愷威同王鷗拍完《莽荒紀》後，夜晚十點收工返房。十點半，王鷗助理送餐俾王鷗，然後即走。五分鐘後，劉愷威輕敲王鷗房門，閃身而入，身形矯健仲好謹慎，疑似共進晚餐。近十分鐘後，王鷗助理返嚟，冇即刻拍門，而係側耳聽下間房有咩動靜，再嗌埋劉愷威助理嚟，夾手夾腳入房收走碗筷離開，而劉愷威呢？佢仲留喺房裡面。唔通又讀劇本？由晚上11點，留到淩晨1點48分，頭戴鴨舌帽劉愷威先至打開王鷗房門，迅速離去。呢三個幾鐘頭裡面，係冇人再出入王鷗間房。而劉愷威出門後，王鷗亦馬上關門。令人費解是，第二次劉愷威對完劇本，王鷗間房盞燈都係熄咗嘅；第三次呢，燈光好暗，疑是只開床頭燈。咁點睇劇本呢究竟？

王鷗拍完戲就返酒店。(全明星探圖片)	二人嘅助手曾到王鷗嘅房間。(全明星探圖片)	之後劉愷威就走去王鷗嘅房。(全明星探圖片)
(全明星探圖片)	入去時房間燈火通明。(全明星探圖片)	逗留三小時後，愷威離開王鷗房間時，房間明顯比之前暗，估計只開咗床頭燈。(全明星探圖片)
第二日王鷗如常咁由助手陪同離開房間去片場拍戲。(全明星探圖片)	二人合作新劇《莽荒紀》。(新浪圖片)	等埋位前，佢哋都好老友咁玩自拍。(新浪圖片)
(新浪圖片)	愷威上月生日，劇組同王鷗一齊幫佢慶祝生日。(新浪圖片)	楊冪噚晚出席活動就話會信老公。(新浪圖片)