掃呢頁CODE去手機

2017年3月16日 星期四

後台直擊 肉緊唐詩詠 洪永城現真火驅趕馬明 [壹週刊 - 1410] __,馬明,唐詩詠,洪永城,馬國明,M1,

洪永城離遠望到馬國明同唐詩詠傾得咁開心,即刻睥到實一實。娛頭後台直擊 肉緊唐詩詠 洪永城現真火驅趕馬明正當馬國明密會黃心穎被斷正後,大家都以為馬明會放 ...


洪永城離遠望到馬國明同唐詩詠傾得咁開心,即刻睥到實一實。

娛頭

後台直擊 肉緊唐詩詠 洪永城現真火驅趕馬明

正當馬國明密會黃心穎被斷正後,大家都以為馬明會放棄同洪永城爭唐詩詠,咁諗就大錯特錯。

星期一( 13/3),馬明、唐詩詠、洪永城及黃心穎齊齊出席灣仔會展影視博覽活動,在台前四人都冇接觸冇交流,但本刊在後台就直擊到,馬明趁洪永城未到,借啲意同唐詩詠痴纏咬耳仔,點知俾洪永城發現後怒睥,洪永城更肉緊到忍唔住行埋去二人身邊驅趕馬明,搞到對方無癮行開,馬明惟有轉去搵後備愛人黃心穎頂檔慰藉。

死心不息

星期一(三月十三日),灣仔會展舉行影視博覽,大台晒冷派出大量藝員,當中包括三角戀緋聞男女馬國明、唐詩詠及洪永城,還有馬明新歡黃心穎都有份出席。

以為馬明有了黃心穎後,終於會放得低唐詩詠,退出這場爭女戰,但本刊在後台目擊到,當日馬明同唐詩詠較早到達,冥冥中安排兩人企埋喺附近,最初馬明就全程對住著了大露背的唐詩詠個肉背,同袁偉豪傾偈時都心不在焉。

但隔了一陣,馬明終於忍唔住愈行愈近,見到唐詩詠同監製王心慰傾偈,他借啲意插嘴撩傾偈,他們由最初幾個人傾,跟住慢慢愈傾就愈少人,最後得番他們二人,馬明更以《 On Call 36小時》「一件頭」醫生招牌式殺死女嘅眼神望住唐詩詠,而且傾到貼晒身哄得好埋咬耳仔。

對住大露背的唐詩詠,馬明雖然同袁偉豪傾緊偈,但係好心不在焉。

馬明終於忍唔住,主動行埋去撩唐詩詠。

貼身咬耳仔

見到傾到咬晒耳仔,洪永城個樣好緊張。

嚇退情敵

洪永城一走埋嚟,馬明即無癮行開。

洪永城成功驅趕馬明,之後全程黐實女友,又搵黃翠如幫手,以防馬明再埋身。

高層杜之克好似恭賀一對新人,洪永城表現得好受落。

離遠睥實

點知這個時候洪永城突然殺到,他遠距離睥到馬明實一實,表情仲相當肉緊,眼火爆的他完全無理過正在與他講嘢的杜如風,全神貫注𥄫住馬明同女友傾成點,隔了一陣見勢色唔對更忍唔住扮晒嘢帶杜如風去同女友打招呼,一行埋去兩個男人互當透明,完全冇打招呼零交流,而馬明就回頭睥了洪永城一眼,跟住無癮行開。

成功驅趕馬明,洪永城即時流露一副得戚樣,展示了一副勝利者的笑容,跟住就好似一塊貼身膏藥,全程做跟得男友,寸步不離以防馬明再有機會埋女友身,其間高層杜之克行埋去跟他們握手,似足去飲祝賀一對新人咁款,洪永城就十分受落,笑到烚熟狗頭咁,仲輕撫女友膊頭一下。

跟住洪永城再帶唐詩詠去老友黃翠如度,然後他自己要去做訪問,叫老友幫手𥄫住女友,等馬明唔可以再有機可乘。

洪永城用盡辦法阻馬明埋女友身,當然馬明就算面皮再厚,都唔敢喺這個場合再撩唐詩詠。

被洪永城驅趕後,馬明即搵後備愛人黃心穎填補空虛心靈。

馬明望住黃心穎的眼神,同望住唐詩詠的眼神,有好明顯分別。

唔知黃心穎是否都見到馬明同唐詩詠有咬耳仔,所以都唔執輸要咬埋一份。

馬明與細自己十五歲的黃心穎因合作劇集《為食神探》時暗撻,女方更開到口表示鍾意對方。

心穎送上門

於是馬明就轉移目標去搵後備愛人黃心穎,當見到馬明主動搵自己,黃心穎即刻好雀躍,報以一個姣笑,又學埋唐詩詠一樣同馬明咬耳仔,不過好明顯睇得出,馬明對住黃心穎同唐詩詠係明顯兩個樣。

「其實馬明見到詩詠對 Tony(洪永城)咁好,都知自己冇機,關係頂多都係維持契哥契妹,只可以葡萄,咁啱呢段時間心穎主動出擊送埋上門,男人嘅嘢就梗係食得唔好嘥,都嘗試吓同佢發展,但係馬明就好唔想公開關係,唔知係咪仲想留條後路俾自己,反而心穎就好想俾人知佢哋拍緊拖,宣示番主權。」馬國明身邊人說。

農曆新年唐詩詠同馬明及鄭嘉穎等人拜年,她未有帶男友一齊出席。

這個三角關係,發展得愈來愈精彩,佢哋更唔介意一齊出席商場活動,有錢齊齊搵。

洪永城在 Facebook上留言,力證同女友情未變,唐詩詠破例公開回應, sweet到爆。

今年初傳出唐詩詠因洪永城花弗同舊愛仲有曖昧,又俾唔到安全感,所以兩人冇見面一段時間冷戰,但最後唐詩詠都原諒男友,一齊去團拜活動,自破分手傳聞。

三角關係

自 14年,洪永城將唐詩詠私有化後,二人關係不時有暗湧,一時有契哥馬明和唐詩詠曖昧,一時有洪永城孖前女友夜蒲,謠言滿天飛。

與馬明兄妹相稱

09年,唐詩詠與馬國明拍《鐵馬尋橋》後,經常被拍到和馬明行街食飯,二人一度傳出緋聞,但多年來,二人強調彼此以兄妹相稱。

成功打敗馬明

14年,唐詩詠與洪永城合作《載得有情人》,男方出盡冧招力追,不久,二人拍拖斷正,女方被拍到收工上洪永城屋企開餐外,更主動上門幫男友餵貓拖地。

翻撻舊愛

去年,洪永城被指背住女友唐詩詠翻撻形象指導舊愛 Bird Tse,洪永城為力證情未變,即於網上貼上一張與唐詩詠生活照闢謠。

互寸挑機

身為契哥的馬國明,一早話唔睇好唐詩詠戀情,揚言對洪永城要「睇定啲」,馬國明更多次向洪永城挑機,經常公開大讚唐詩詠係「好女仔」,更以「情侶檔」形容二人出活動,洪永城醋意大發,即火速反擊,大晒與唐詩詠甜蜜照。

念念不忘

圈中不少藝人,對於得唔到手嘅感情,甚至舊愛都念念不忘,關係糾纏不清。

林建名 何傲兒

14年,何傲兒與林建名爆出「爺孫戀」,女方極力否認,其後林建名現身書展,表示何傲兒不接電話,一度流淚,後來,女方再被拍到與周子揚甜蜜睇家品,上演「連啜 13啖」好戲,但林建名依然未死心,大開中門,簽約何傲兒加盟成為旗下大名娛樂歌手。

郭永淳 前妻伍智恒

07年,暗撻永安太子爺郭永淳,楊愛瑾一直被指是狐狸精,介入別人婚姻,前妻伍智恒因受失婚打擊,患上抑鬱厭食症,體重急跌至五十三磅,百病纏身,更不時更新微博,向 Miki控訴,飽受七年之痛。

許方輝 周嘉儀

13年,無綫主播周嘉儀,同年紀相距十八載的已婚高層許方輝密會斷正,有婦之夫立即單方面斬纜,但女方一直耿耿於懷,更打對方屋企電話搵上門,許方輝即帶埋老婆搬竇。

撰文、攝影、攝錄:娛樂組


鍾意就快D Share啦!