掃呢頁CODE去手機

2017年5月7日 星期日

【國家級嘅實力】教練讚囝囝有潛質 翁嘉穗:覺得個仔好犀利 __,翁嘉穗,

慧妍雅集今晚喺尖沙嘴洲際舉行5周年慈善晚會,97年港姐冠軍翁嘉穗都有出席。提到佢大仔Jason之前喺「香港健力錦標賽」中贏得青年組冠軍,兼打破三項香港 ...


慧妍雅集今晚喺尖沙嘴洲際舉行5周年慈善晚會,97年港姐冠軍翁嘉穗都有出席。提到佢大仔Jason之前喺「香港健力錦標賽」中贏得青年組冠軍,兼打破三項香港健力舉重紀錄(新聞連結: http://bit.ly/2pkKTT8 ),翁嘉穗話:「係呀,佢一直都喺香港,喺香港比賽,遲啲就會出去比賽,係一個亞洲賽。」佢話自己好支持個仔:「總之唔影響學業就OK,開頭佢自己練咗半年,有日覺得要比賽,我就話唔可以唔搵教練,因為怕受傷。(囝囝係咪大隻過爸爸?)大隻好多。」問到Jason拍拖未?媽咪翁嘉穗話:「冇時間喇,日日都有運動要做。(有冇狂蜂浪蝶?)冇呀,冇聽佢講過,不過有啲同學仔都話佢好犀利。(係咪成為風頭躉?)OK嘅,因為比賽嘅都唔止佢一個,仲有幾個都好好成績。」翁嘉穗話因為囝囝太細,所以暫時都唔會畀個仔拍拖住:「o依家16歲,太細喇,o依家唔好住喇,起碼18、19歲讀大學先啦,make sense啲囉!」問到個仔參加舉重運動後係咪覺得man啲?翁嘉穗話:「佢鍾意做gym嘅,嗰個朋友就train咗3年,覺得人哋好勁呀!自己都想strong啲,所以之後搵教練。個教練問我想個仔咩程度,我就同佢講比賽完就OK,但係教練就話佢好有潛質,話佢o依家舉嘅重量已經係國家級,總之覺得個仔好犀利。」翁嘉穗補充話:「其實安全完成比賽就OK,最緊要努力。(有冇獎勵畀個仔?)食咗餐飯,暑假會一齊去個旅行。」

(攝影:仇志德) 翁嘉穗今晚孖住老公鄔友正出席慧妍雅集晚會
翁嘉穗囝囝Jason早前舉重破紀錄(資料圖片)

來源 source: http://s.nextmedia.com
鍾意就快D Share啦!