因為一條喉，令到著名作家瓊瑤與其3名繼子女關係崩壞，瓊瑤嘅繼子、皇冠文化集團創辦人平鑫濤兒子平雲，因受不了繼母瓊瑤喺社交網屢次分享老父因失智中風住院需 ...
因為一條喉，令到著名作家瓊瑤與其3名繼子女關係崩壞，瓊瑤嘅繼子、皇冠文化集團創辦人平鑫濤兒子平雲，因受不了繼母瓊瑤喺社交網屢次分享老父因失智中風住院需插喉嘅私隱，寫一封名為《給瓊瑤阿姨的一封信》，指出父親是失智，不是病危，暗示瓊瑤失實。（新聞連結： http://bit.ly/2qorbdb ）經過幾日嘅沉澱，今日傍晚瓊瑤痛定思痛再喺facebook寫了咗一段千字文，直言：「我的訴求已被扭曲，我的善意已被污染」，宣布己將平鑫濤交給繼子女們照顧後，自己將出國走走，而佢嘅fb將在5月9日晚間12時後正式關閉，呢一日係佢同鑫濤結婚39周年紀念日，佢傷感道別﹕「這聲『珍重再見！』我打字時已經淚崩！」瓊瑤說，佢呢一生寫咗好多書，尤其對「老、病、死」感觸最深刻，所以覺得有使命要寫出來，讓同在煎熬中嘅朋友借鑒。瓊瑤透露，原本計畫分兩部分寫出呢方面嘅經驗，第一部分差一篇就要完成，本打算寫到平鑫濤住進佢安排嘅醫院為止，第二部分則談佢同平鑫濤嘅夫妻相處之道，冇想到當瓊瑤發文到《背叛》文章時，平鑫濤嘅三個子女竟然對佢作出指控，瓊瑤稱當中有一些誤解，自覺動機十分單純，「我一夜之間，就變成眾矢之的！萬箭穿心的我，頓時傷痕累累，我除了認錯道歉，沒有第二條路！」經過多日自我療癒後，瓊瑤痛心剛開始嘅善意被扭曲，想到14年來為咗照顧平鑫濤，未曾出國，因此將老公交俾三名繼子女後，瓊瑤決定到國外散心，她說：「鑫濤有最愛他的兒女陪伴，有我信任的醫院、院長、護理長……的照顧，我想會很長壽的！」瓊瑤先前曾喺fb進行一項民調，想知道大家如果失去自理能力是否願意插鼻胃管？佢在發文中亦公開調查數據，結果有82%的人都不願意「加工活著」，她希望政府重視相關問題。而瓊瑤亦覺對平鑫濤抱歉，愧疚無法做到佢對身後事嘅交代。
