近日劇集《不懂撒嬌的女人》熱播，無論係劇中唐詩詠着三點式游背泳定係孫慧雪騷長腿，全部都係城中熱話呀！
最近See See TVB fb專頁就有條片，入面搵咗有份演呢套戲嘅演員，問吓佢哋對兩岸三地嘅女仔有咩睇法。片段一開始就訪問高海寧、唐詩詠同林文龍有關香港女仔嘅睇法，佢地都話香港女仔係比較獨立同埋硬朗，林文龍就話港女就同劇名一樣不太懂撤嬌，覺得佢哋習慣咗自我中心，需要另一半去取悅佢哋，仲話新一代港女都有公主病添！宣萱作為香港女性就話自己性格同自己演嘅角色Mall姐好似，都覺得呢個年代唔好靠男人，溫柔程度相對上少咗，所以台灣同內地女仔絕對比港女溫柔咁話喎。
激讚港男
跟住到各人對國內女仔嘅睇法，黎諾懿直言國內女仔比較豪邁，袁文傑話佢哋表達上都比較直接、爽直。之後到台灣女仔嗰部分，唐詩詠同王浩信話拍攝果陣台灣女演員都表現得好溫柔。不如聽吓台灣演員點睇香港男仔丫？劇中嘅台灣女演員張瑋純話：「香港男仔好貼心呀，特別照顧我！」網民話香港男人其實已經好遷就女性㗎
網民勁冧
片中其中一個精華就係高海寧被要求示範三個地方嘅女仔同異性講嘢嗰陣有咩分別，佢即刻扮起香港女生，一本正經咁講：「你話畀我聽，你要我做呢咩？」網民話佢做番自己啲演技即刻自然好多！咦？聽落有啲弦外之音喎！之後佢扮國內女孩就用手托頭，文質彬彬咁，扮得好傳神好正呀！最後佢扮台灣女生時用雙頭托頭甜笑加埋對電眼，網民都話佢好得意！超萌呀！
至於劇入面其實有傳遞一個訊息，就係港女嫁唔出係因為佢地唔夠嬌嗲，令到啲男人走夾唔抖呀！睇嚟香港女仔要加油啦，唔好輸畀台灣同國內嘅女仔呀！
網民有話兒
Alxxx Lxx ：港女真有料到！
Axxxe Cxxx ：我哋要學嘢
Nixxxx Wxxx：不好意思我那麼的不温柔
曾xx：揀到mall姐咁既女朋友唔去滾睇心理醫生啦……
|
鍾意就快D Share啦！
|
|
|
