2017年7月7日 星期五

翁虹拍劇發生意外 腦震盪兼左胯骨受挫 __,翁虹,

好彩最後唔算太嚴重,都係不幸中之大幸。已經一段時間冇拍攝武俠劇嘅翁虹,剛剛就完成咗新劇《武當一劍》嘅拍攝工作,佢話今次套劇同當年無綫劇《大唐雙龍傳》嘅 ...


好彩最後唔算太嚴重,都係不幸中之大幸。

已經一段時間冇拍攝武俠劇嘅翁虹,剛剛就完成咗新劇《武當一劍》嘅拍攝工作,佢話今次套劇同當年無綫劇《大唐雙龍傳》嘅角色有啲似曾相識嘅感覺,不過就覺得依家嘅演技成熟咗好多,所以拍攝時更得心應手,尤其拍攝動作場面時,感覺到身體軟柔度更勝從前。翁虹表示今次劇入面飾演「常五娘」一角,外表看似嫵媚動人,性格看似玩世不恭,心底裏是會為愛燃燒自己和粉身碎骨的一個女俠。

不過,喺拍攝一場策騎戲份時不幸發生咗意外,好彩翁虹當時反應敏捷,只受到輕微腦震盪同左胯骨受挫,可以話係不幸中之大幸。不過一向專業嘅翁虹,喺意外發生後不足幾分鐘,就堅持要立即埋位繼續完成戲份,令到現場嘅工作人員、演員同導演都畀佢嘅專業態度所感動,贏得全體工作人員嘅掌聲。

問到翁虹今次點解接拍呢部劇,佢話因為呢套劇係全部實景拍攝,去咗湖北嘅神農架野人林區同武當山,佢話:「如果唔係因為拍戲嘅關係,自己可能一世都冇機會去呢啲地方見識到。」問到在野人林區有否見到野人?翁虹就話:「好遺憾冇見到野人。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...