掃呢頁CODE去手機

2017年7月7日 星期五

【識叫媽媽】鍾嘉欣大搞囡囡一歲生日會 __,嘉欣,李嘉欣,鍾嘉欣,

唔知囡囡會唔會錫錫媽咪做「回禮」呢?女星鍾嘉欣為代言的補身食品田原香活動擔任剪綵嘉賓,她表示女兒下月便一歲,非常精靈及很喜歡說話,她說:「佢係一個好堅 ...


唔知囡囡會唔會錫錫媽咪做「回禮」呢?

女星鍾嘉欣為代言的補身食品田原香活動擔任剪綵嘉賓,她表示女兒下月便一歲,非常精靈及很喜歡說話,她說:「佢係一個好堅持嘅小朋友,想食啲乜、想玩啲乜都會不顧一切,依家係最好玩、最cute同最抵錫嘅階段。(你會唔會都好堅持唔畀佢做某啲嘢?)我係一個好casual嘅媽咪,但當我覺得唔可以嘅時候,我都會好強硬,佢依家鍾意玩大人嘅嘢,例如撳電話同電視,我只要叫佢個名,佢就會驚,好似做錯事咁,我話no佢真係唔會做,只係轉頭又唔記得。佢好鍾意笑,我最幸福就係見到佢笑,佢瞓得好好,我養到佢肥肥白白、皮膚又靚,依家已經有21磅。」

至於如何慶祝女兒一歲生日?嘉欣稱早已構思好:「我已經買咗好多汽球,個主題係happy face,連埋家人、朋友、新識嘅媽咪朋友同BB,大概會請70至80人一齊慶祝,因為之前滿月同百日宴都冇慶祝,所以想BB一歲生日時大搞。(會送咩禮物畀囡囡?)佢依家會食固體食物,所以我會買張高櫈畀佢。」嘉欣透露女兒愛說話,第一個字先講媽媽,三日後識講dada,她笑言:「我一離開返香港,佢就叫媽媽,老公依家忙啲,成日返診所,佢就叫dada,佢好黐我哋兩個,我依家仲餵緊人奶,餵到佢一歲就唔餵,到時就可以放佢喺爺爺嫲嫲屋企過夜。」


來源 source: http://hk.on.cc
鍾意就快D Share啦!