今次個私人晚宴，邀請咗全球20位VVIP客人，翁嘉穗係其中之一，認真犀利！
前港姐冠軍翁嘉穗日前獲伯爵（Piaget）邀請，出席在法國巴黎舉行的私人晚宴，晚宴只邀請全球20位VVIP客人，非常尊貴。席上邀得米芝蓮二星廚師Jean-Francois Piege烹飪美食，翁嘉穗對他的食物讚不絕口：「佢煮嗰個黑松露意大利麵係我食過最好食！」又笑言在旅程中享受了很多美食：「呢度啲海鮮好好食，好彩只係4日3夜，如果再耐啲真係唔知點算。」
而她還在下榻酒店的電梯中巧遇「潮流教主」安娜溫圖爾（Anna Wintour），她說：「之前喺Spa撞過一次，但冇特別傾偈，之後再喺𨋢撞到，因為空間細而傾咗陣偈，最尾都有問可唔可以合照，佢好Nice。」由於安娜有「時尚女魔頭」外號，翁嘉穗笑言起初都感擔心，但其後發現對方跟電影中影射的形象不同：「佢真人真係好Nice，仲同我哋笑，如果佢唔笑，唔同我哋Hi，我哋都唔敢同佢傾偈。」
適逢此行撞正巴黎高訂時裝周，不少品牌邀請她睇騷，但由於太疲累，她只睇了其中一個時裝騷，同場還有韓星孔孝真及內地女星章子怡等嘉賓。
來源 source: http://hk.on.cc
|
鍾意就快D Share啦！
|
|
|
