2017年7月8日 星期六

玩SM後遺症 許家傑蔣家旻變自閉 __,蔣家旻,許家傑,

許家傑與蔣家旻相當入戲。無綫劇集《踩過界》接連有踩界劇情,上星期一集「有錢仔」許家傑(Jack)帶「啤酒妹」蔣家旻(Angel)返其充滿SM刑具的大屋 ...


許家傑與蔣家旻相當入戲。

無綫劇集《踩過界》接連有踩界劇情,上星期一集「有錢仔」許家傑(Jack)帶「啤酒妹」蔣家旻(Angel)返其充滿SM刑具的大屋Playroom,Angel被禁錮一個月遭連番施虐,畫面重口味,在網上回響甚大!明晚(8日)繼續有兩人戲份,將再播出SM場面。

Jack及Angel接受東網專訪,他們表示拍攝期間心理壓力比動作戲更辛苦,而且因抽離不到角色而變得自閉了一段時間,Angel說:「嗰段時間脾氣好差,就算人哋問我食咗飯未,都覺得煩,只係想匿喺自己世界入面。」Jack亦表示不想跟人說話,腦海中更不停翻Loop虐打Angel的場面,相當困擾。

有啲畫面仲激

問到拍攝虐待戲有否感尷尬?Angel先讚Jack有錫住她,令她輕鬆不少,並說:「都唔會尷尬,可能大家少見TVB有呢類劇情,所以反應好大,當然個景好真實又皮鞭又手扣,我都有試玩吓,含住條鏈嗰場係有啲辛苦嘅,但又唔係咁尷尬。」Jack大讚Angel專業,接連被塞進水中多次都沒有怨言,並讚她很適合飾演被虐的角色:「拍到半夜三點幾已經好攰,但大家一見到Angel扣住啲刑具,成個場即刻好有生氣,大家都High晒!」問會否擔心被虐鏡頭被製成「潛力圖」?Angel笑說:「其實都唔係好激啫!」Jack則說:「唔係喎!我覺得你幾有潛力!其實仲有啲仲激嘅畫面冇出街,唔知會唔會播番。」

跳出馬子妮框框

對於網友奇怪為何Angel被禁錮多時依然「衣衫整齊」,Jack解釋劇中已講明不涉性侵,並講笑指角色另有癖好:「因為佢一嚟到我就鎖起佢,都未有時間除,我又愛佢驚佢凍親呢!同埋着同一套衫一個月有陣味,我仲鍾意!」

Angel之前在《愛.回家》的角色馬子妮深入民心,她直言很開心接到《踩》劇,助她跳出乖乖女形象:「一直想超越自己,試吓其他嘅嘢,特別多謝監製相信我哋。(如果要再激啲得唔得?)睇情況,我諗電視尺度都有限度嘅。」

蔣家旻服裝及耳環:Amelie Street

許家傑西裝:casa de caballeros


來源 source: http://hk.on.cc
鍾意就快D Share啦!
Related Posts Plugin for WordPress, Blogger...