靚女緋聞自然多。
藝人劉佩玥及歐鎧淳今日到將軍澳出席活動。剛與好姊妹陳瀅由泰國旅行返港的劉佩玥，代陳瀅澄清與何猷亨「翻撻」傳聞，亦否認男方幫陳瀅在港置業：「我哋兩個都冇拍拖，陳瀅係想買樓，但係喺加拿大，佢想買畀婆婆，而我都想買層畀父母。以我同佢嘅關係，大家可以相信，冇咁嘅事。」
同黃子恆係好朋友
談到泰國之旅，劉佩玥指與陳瀅齊齊買睡衣返港做直播：「喺床上「典嚟典去」、同大家傾吓生活嘢咁，唔性感嘅，我就嚟30歲，要保持少女心同童真。（傳妳同黃子恆喎。）我哋大家都好慘，嗰日拍緊嘢亦知道有記者在場。（傳你收兵。）我唔係娘娘，但有沖涼，唔好阻佢追女仔，亦唔好嚇怕我嘅追求者，大家係好朋友。（伍允龍後冇拍拖？）其實我唔係好介意緋聞，反而媽媽就覺得有需要澄清，笑吓咪算囉，全部都唔係真嘅。緣分嘅嘢要嚟就嚟，有嘅話我唔介意同大家分享。」
歐鎧淳亞運停接Job
至於歐鎧淳則坦言未習慣娛圈生活，至今仍將游泳放在第一位，9月還有賽事要參加：「到亞運嗰時要停一停唔接騷喇，目標係100米背泳攞牌。其實教練都有微言，因為有時見到我太攰喇。（男友冇出聲？）大家都知呢段時間要搏，佢明白嘅。」
來源 source: http://hk.on.cc
|
鍾意就快D Share啦！
|
|
|
