【新增內容】
「TheBiggestBDGift，今年最大最大的生日禮物，是我肚中有了一個小生命「除了演員 我的夢想就是當一個母親，是這個時候了
我們牽手5年 我們的寶寶快5個月
我們帶着滿滿的感動和祝福
期待着寶寶的來臨
來噴射式恭喜我
#mothertobe #superhappybirthday」噴射式恭喜係乜嘢玩法呢？
Anyway，恭喜晒賴慰玲！《女人俱樂部》（M Club）飾演少女版許珍妮（張慧儀）嘅嗰個！喺《殭》裡面飾演非常搶戲嘅神婆丘玲梅，家陣仲拍緊新劇《宮心計2·深宮計》、《棟仁的時光》，今日喺社交網貼圖宣佈，佢就快做媽咪喇！黠解揀今日宣佈？因為今日係佢31歲生日。賴慰玲仲貼咗張兩口子雪山留影，相中男方背鏡而立頗chok，賴慰玲舉機為之留影。至於賴慰玲男友，係舞台劇工作者梁子峰，參與作品包括《野豬》(2014)、《鴕鳥頭》(2013)和《七位導演眼中的40@2012》(2012)，兩人均醉心演藝，賴慰玲係香港演藝學院表演系學士，畢業後經學院老師羅冠蘭推薦，參與無綫劇集《M Club》試鏡而入行，曾在試鏡中一人分飾七角，後成功入圍且能演出劇中張慧儀少女版角色——許珍妮，成功彈出。陳凱琳(Grace)被問好友賴慰玲未婚懷孕，她接受傳媒訪問時稱：「No she told us and a few close friends ahead.」Grace仲話聽到消息，當然第一時間恭喜佢。咁到時會唔會爭住做契媽？佢話：「Haha I hope so.」至於好友會唔會等生完先結婚，Grace就話：「I think I leave her to answer this la.」因為合作《迷》而成好友嘅田蕊妮，接受傳媒訪問就謂：「我其實之前已經恭喜佢呀，佢其實之前都已經知，真係戥佢好開心，好高興，因為佢一路都夢想做媽咪，佢終於夢想成真！」另外，同樣就快做媽媽嘅孫慧雪就喺自己個Instagram度貼相恭喜賴慰玲，佢話：「生日快樂，恭喜你做人媽媽真替你開心，估唔到我哋一齊做媽媽。」賴慰玲仲有覆雪雪BB，話點解揀張影得唔靚嘅相，點知雪雪BB話張相係蔡思貝手筆，蔡思相話：「兩個幸福寫在臉上，仲叫影得唔好？」勁晒幸福。
|
鍾意就快D Share啦！
|
|
|
